عادت الفنانة رجاء بلمير لتتحدث عن الحادثة المؤلمة التي تعرضت لها في قطر قبل ثلاث سنوات، والتي أدت إلى كسر في أنفها نتيجة قفزها في المسبح.

وشاركت بلمير تفاصيل الحادثة والمعاناة التي عانت منها بعد الإصابة من خلال فيديو نشرته عبر حسابها الرسمي على تطبيق 'أنستغرام'، حيث ظهرت فيه بأنف مليء بالدم، كما كشفت عن الفحوصات التي أجرتها في المستشفى والتي أظهرت عن وجود كسر في الأنف وخضوعها لعملية خياطة.

وقالت بلمير 'شداتني البكية ملي شفت داكشي، عرفتوا جالسة كنقلب فالصور القديمة وأنا نلقى أنه اليوم كملت ثلاث سنوات بالضبط على الطيحة لي كنت طحت فقطر فاش كنت فالمسبح ونيفي تهرس وحالتي حالة، وكاع المتابعين ديالي كانوا كيسولوا فيا وكيعيطو لياحيث كنت وحلت تما وحدي، كاينين لي جاو فهاد ثلاث سنين وما عرافينش القصة ديالي وكيسولوني على الضربة لي عندي هنا، وجمعت ليكم شي حوايج لي ما عمرني حطيتهم وقلت نشاركهم معكم'.

وأضافت ' طلعت ما فاهماش أش طرا، مشيت المستعجلات وما خديتش الأمور بجدية، فقت هاكا وعرفت أنه خاصني نمشي لمستشفى اختصاصي، بعد الأشعة بلغوني باللي عندي كسر واحتمال نحتاج عملية خياطة ومن بعد العملية الكبيرة، كنت بوحدي فالغربة ومصبرتش، جلست فقطر مدة طويلة باش نتبع مع الطبيب ديالي، حيدت الخيوط والضمادة الحمد لله تجمعات، لكن للآن عندي عظم مايل لجيهة ليسر مصعب عليا التنفس خاصني العملية لكن خايفة منها وقلت بلاش منها'.