استعاد الفنان مصطفى غريب ذكريات مشاركته في مسلسل 'الكبير أوي 6' الذي عرض في رمضان 2022 وكان بداية انطلاقته الفنية.

وحكى مصطفى غريب خلال لقائه في برنامج 'صاحبة السعادة' كيف تم اختياره لدور 'العترة': 'لما شاركت في اختبارات مسلسل 'الكبير 6' حتى لو متقبلتش كان كفاية إني روحت، عملت الاختبار وأخدوني في دور 'العترة' وكان من أكبر الأدوار اللي مكتوبة، كان معايا حاتم صلاح، هو كان معايا في نفس الاختبار بس مقبلش في دور 'العترة' وأنا اللي قبلت اختاروني للدور عشان أنا شكلي طفل أكتر، وبعد كده عمل هو دور 'نفادي' ظهر الدور ودي كانت بداية معرفتنا ببعض ومعانا رحمة أحمد'.

وتابع مصطفى غريب: 'في اللوكيشن مع أستاذ أحمد الجندي وأستاذ أحمد مكي ميتزهقش منه عارفين يعملوا حالة أن مفيش دوشة ومفيش زعيق وزعل، لكن التصوير كان مرهق شوية الناس كانت بتفتكر أنه سهل لكن فكرة أن أحمد مكي بيعمل شخصيتين دي صعبة'.

شارك في بطولة مسلسل 'الكبير أوي' كل من أحمد مكي ومحمد سلام وبيومي فؤاد وهشام إسماعيل وحاتم صلاح ورحمة أحمد ومصطفى غريب وحسين أبو حجاج وسماء إبراهيم وعبد الرحمن حسن، وهو من تأليف مصطفى صقر، وإخراج أحمد الجندي.

يذكر أن مصطفى غريب شارك في رمضان 2025 بمسلسل 'أشغال شقة جدا'.

مسلسل 'أشغال شقة' من بطولة هشام ماجد، أسماء جلال، شيرين، سلوى محمد علي، مصطفى غريب، وآخرين ومن تأليف خالد وشيرين دياب، وإخراج خالد دياب.