وجهت هدى زاهر، زوجة الممثل المصري أحمد زاهر، رسالة مؤثرة إلى زوجها وذلك بمناسبة عيد ميلاده، وذلك عبر صفحتها الخاصة على موقع التواصل الإجتماعي.

ونشرت هدى مجموعة من الصور برفقته، وهو يحتضنها، وعلقت قائلة :'كل سنة وانت صاحبي الوحيد المخلص قبل ماتكون جوزي وابو بناتي، كل سنة وانت السند لينا كلنا يا زيزو كل سنة وانت طيب يا احلى وأصغر ابو عروسة شافته عنيا والناس كلها، كل سنة وانت نجم كبير وناجح ومحسسنا بأهم حاجة هي احترام الناس وحبهم الحقيقي ليك ودي اغلى نعمة ولو بيحبونا كعيلة فعشان هما بيحبوك، كل سنة وانت طيب يا ابو بناتي يا لذيذ يا رايق'.

من ناحيته رد زاهر قائلاً :'وانتي طيبة يا روح قلبي يا نصي التاني يا شريكة عمري و شريكة نجاحي سواء في الفن او في الحياه من غير وجودك جنبي مكنتش وصلت لحاجة و لا عملت حاجة انتي وجودك جنبي هدية من ربنا ليا وأحسن حاجه حصلتلي في الدنيا بحبك يا صاحبتي وحبيبتي وبنتي ومراتي وكل حاجه ليا بحبك يا هدهوده'.