روجت الفنانة فيفي عبده لأغنية ويجز الجديدة التي يستعد لطرحها خلال أيام.

وظهرت فيفي عبده في فيديو نشره ويجز عبر حسابه على 'تيك توك' وهي تقول: 'استنو الأغنية بتاعة ويجز الجديدة أنا'.

وكانت فيفي عبده سبق وكشف عن تعاونها مع ويجز وقالت في حوار سابق: 'هعمل أغنية جديدة مع ويجز، هظهر فيها معاه على غلاف الأغنية. أنا بحب ويجز جدا، وأغنيتي الجديدة معاه هتكون مفاجأة بتمنى تعجب كل جمهوري'.

وكان ويجز شوق جمهوره لأغنيته الجديدة وكشف أنه سيطرحها يوم 27.

على جانب آخر، أثار ويجز جدلا كبيرا خلال اليومين الماضيين بعد ظهوره في فيديو يهاجم فيه الفنان رامي صبري بعد حديث الأخير عنه خلال لقائه في برنامج 'حبر سري'.

وظهر ويجز في فيديو عبر خاصية القصص القصيرة في حسابه على Instagram وتحدث عن فنان وقال عنه: 'هتكلم على فنان فاكر أنه عنده صلاحية يطلع يتكلم في أي وقت على أي حد والناس تسمع وتسكت، الفنان دا اسمه رامي، رامي دا بقى كل لما يقعد 5 شهور يزهق يطلع يتكلم في التليفزيون على بتوع الراب والهيب هوب وكده، طيب أنت بتتكلم أمتى عن بتوت البوب اللي أنت منهم، على فنك ومجالك وكده'.

وتابع ويجز: 'أنا شايف أنك مبتفهمش في الراب دا حاجة ولا بتفهم الكلام بتاعه زي ما أنت قلت قبل كده فمش هتعرف تعمله أنا راجل مثلا لو لقيت واحد بيعرف يسوق عجلة وأنا مبعرفش بحترمه ليه عشان هو عمل حاجة غير اللي أنا عملتها اشتغل على نفسه في حاجة أنا مشتغلتش على نفسي فيها فأنت مبتقدرش الفنانين دول شايفهم بيحاولوا يوصلوا لليفل أنت فيه في حين أنهم معدينك أنت مش رقم 2 يا رامي أنت رقم 19 مثلا، أنت بعيد أوي'.