رد الفنان الأردني حسام السيلاوي على الاتهامات التي وجهت له مؤخرا بازدراء الدين الإسلامي.

وكتب السيلاوي في عدة منشورات عبر صفحته الرسمية في موقع التواصل الاجتماعي إنستجرام: 'يحكولكم مريض، بدو علاج، بدو نوقف مع بعض ونساعده، تردوش عليهم كذابين. انا منيح وأخطأت بكلمة وحدة، ومافي بني آدم ما بخطي. 'قل اعوذ برب'. أما باقي الحكي إنو لازم نحب بعض ونحترم بعض ونحترم ونآمن بكل الأديان ف برجع بحكيها هون ولو كان الكون ضدي والسلام عليكم'.

وأضاف: 'والعياذ بالله أن أسيء إلى أي من رسل الله، أنا ما قلت جاهل وإذا قلت فهاذ جهلي أنا، لكن بزمن الجاهلية ماكانوا بكتبوا ولا بقرأوا وكان اسمهم جاهلين. اليوم سموهم - غير متعلمين - وبعتذر إذا خانتني الحروف وما قدرت عقول البعض. الله يرحمنا ويرحمكم'.

وتابع: 'حسبي الله لا إله إلا هو عليه توكلت وهو رب العرش العظيم. قبل ما ترمي أخوك بحجر تذكر إنك غلطان بحياتك كثير، وكثير معهم حجار. ارحم خلي ربنا يرحمك وخلي إيمانك بالله. صدقني أنا أقوى من كم مسبة وكم أهبل بدو أرقام. أنا رجل بعرف وبعترف بخطأي، لكن ما بغلط بأخوي المسلم، ولا بأخوي المسيحي. أنا مش زعلان ربي ما بترك حدا عارف الحق جاي ومكتوب'.

كما نشر السيلاوي آيات قرآنية ضمن رده على حالة الجدل التي أثارها مؤخرا.

والسيلاوي فنان أردني اسمه الحقيقي حسام السيلاوي، خلال فترة كورونا والحجر الصحي بدأت شهرة السيلاوي بعد نشره لأغانيه، في 2025 طرح ألبومه 'Bipolar' وتضمن 6 أغان من تلحينه وكتابته بشكل كامل.