أكدت الفنانة عزة لبيب أهمية مشاركتها في مهرجان القاهرة الدولي للمسرح التجريبي.

وقالت عزة لبيب في تصريحات خاصة لراديو النيل على هامش مهرجان القاهرة الدولي للمسرح التجريبي في دورته الـ33 إن مشاركتها في دورات المهرجان تتيح لها فرصة الإطلالة على عروض جديدة تحضر للمهرجان لأول مرة، وهو أمر شديد الأهمية بالنسبة لها.

وأضافت عزة لبيب: 'بحب أشوف عروض مصرية لشباب عاملين حاجة كويسة، فأروح أشوف عاملين إيه.. الواحد بيفرح بيهم وبيفتخر بيهم'.

وتابعت: 'بختار العروض في المهرجان بناءً على عروض البلاد اللي ما روحتهاش، واللي معرفش المسرح عندهم عامل إزاي، فبروح أحضرها عشان أشوف إيه الدنيا عندهم، ومسرحهم شكله إيه'.

وأكملت: 'دايمًا بشوف هنا الحاجات اللي أنا مش عارفة أسافر لها، هما بييجوا هنا وأنا أشوفها'.

وأشارت عزة لبيب إلى أنها تدرس فكرة العودة للإخراج قائلة: 'أنا دلوقتي بفكر إني أخرج عروض مسرحية، وبقرأ حاجات كتيرة. أنا أخرجت من فترة، وعايزة أبتدي أرجع تاني للإخراج. التجارب اللي عملتها قبل كده كانت للأطفال، دلوقتي هعمل للكبار'.

وحول نوعية الأعمال التي تفكر في إخراجها قالت عزة لبيب: 'الحاجة اللي هخرجها بفكر أعمل حاجة ديو دراما أو مونو دراما، وحاجة لايت موسيقية كده، عشان البداية ما تكونش قوية أوي'.

يشار إلى أن إذاعات راديو النيل (شعبي اف ام/ميجا اف ام/نغم اف ام وراديو هيتس) هي الراعي الإذاعي لمهرجان القاهرة الدولي للمسرح التجريبي، مع مذيعي المهرجان عماد إسماعيل، وميرا سامي.