كشف المطرب عمر كمال كواليس تقديمه أغنية last Christmas قبل سنوات.

وخلال حلوله ضيفا ببرنامج 'الحكاية' مع عمرو أديب حكى:أغنية last Christmas دي كانت مصيبة سودة، حبيبي أستاذ شريف مدكور كنت عنده في حلقة من 5 سنين، وأنا الإنجليزي بتاعي مش أوي، قالي لازم نعمل حاجة إنجليزي جديدة قلت له أنا معرفش'.

وتابع عمر كمال: 'قالي ملكش دعوة أحفظ قلت له أنا مش عارف أحفظ فكتبلي الكلام الإنجليزي بالعربي وحفظت اللحن، عملت بروفه وسألته حلو؟ قالي دا أنت خريج مدارس وأحسن من اللي بينطقوا ومشيت وراه سجلت الأغنية وطلعت بهدلوني تريقة'.

على جانب آخر، كان عمر كمال رد على الاتهامات التي وجهت إليه بشأن تسريب عدد من أغنيات ألبوم الفنان محمد فؤاد الجديد، والذي كان من المقرر أن يسجله فؤاد قبل أن ينتقل لاحقا إليه.

وقال عمر كمال 'أنا مش بتاع مشاكل خالص، وجات لي فرصة كويسة من المنتج واستغلتها بشكل كويس، لكن من ساعة ما أعلنت عن الألبوم وفريق العمل، وأنا بتعرض لحرب غير عادية، حتى قناتي على اليوتيوب بتتعرض لمخالفات، وجالي بالفعل مخالفتين، ولو وصلت لتلاتة القناة ممكن تتقفل'.

وأضاف :'عاوز أوضح للجمهور ولمحمد فؤاد تحديدا، لأن في اتهام إننا سربنا الأغاني أو أنا اللي سربتها، وده مش حقيقي بالعكس، تسريب التلات أغاني ضرني جدا، لأن في واحدة منهم ضمن ألبومي الجديد، وإحنا مستحيل نسرب حاجة بالشكل ده'.

لو فاتك: فن ولا فنكوش - 16 سؤال كل واحد هيجاوب لوحده ... عرفت كام سؤال منهم؟