فتحت الفنانة اللبنانية ورد الخال قلبها لجمهورها حول غيابها عن الأعمال الدرامية، وتحدثت عن موهبتها التي تخشى عليها من أن 'تطمر' بحسب تعبيرها، ما أثار تفاعل متابعيها.

ورد الخال تتحسر على موهبتها

قالت ورد الخال عبر حسابها على منصة 'إكس': صاروا سنتين ونصف.. نعم عم عدّهن.. بأسف إنو موهبتي عم تنطمر بهالجغرافيا وبهالتاريخ.

وتحدثت الفنانة حول السؤال الذي يتردد كثيراً حول غيابها عن الأعمال الفنية وقالت: سنتين ونصف وكل ما شوف حدا بيسألني'وينك'.. وين بدي كون غير بوطني وبلدي؟ أنا هون وبعدني هون متل كتار، أو 'قلال' بعدهن شغوفين بمهنتهن اللي عم تقتلهن كل يوم.

وتابعت في تدوينتها المؤثرة: سنتين ونصف.. وبعد كل نجاح، مرارة على سنين من عمري!.

ورد الخال تتفاعل مع جمهورها الداعم

تفاعل متابعو ورد الخال على 'إكس' مع منشور الفنانة ووجهوا كلمات الحب والتقدير والدعم لها.

وقال أحدهم: لم يعد للكفاءة مكان في لبنان. لذلك نرى أفواج أصحاب المواهب والمقتدرين مهنيا يبحثون عن فرصة عمل أهم خارج لبنان. القلائل ممن يعملون في إطار القوانين يشكون من السوق السوداء التي اجتاحت معظم المهن والقطاعات.

وردت الفنانة قائلة: بالنسبة لمهنتنا (الدراما) كل المسؤولية تقع على نقاباتنا ودولتنا.. يجب تنظيم هالمهنة بقوانين تضمن حقوقنا متل ما نحنا عم نضمن واجباتنا (taxes).

وقال آخر: الله يبعتلك الأعمال اللي ترضيكي معنويا وعمليا وماليا، فيما أجابت ورد الخال بالقول: مش هينين هالتلاتة مع بعض.

أحد المتابعين عبّر عن انتظاره لجديدها، وقال: أنا صرلي زمان كتير مش حاضر مسلسلات عربية، بس كنت كتير أحضرك من زمان، ما بحس ح أرجع أحضر إلا إذا كنت أنت الممثلة، نجمة كبيرة وأستاذة تمثيل، فناطرك. فأجابت الفنانة اللبنانية وقالت: حتى لو طالت النطرة؟! ميرسي إيلي.. إن شاء الله خير.

وفي تفاعل آخر بين ورد الخال وجمهورها، قال متابع: أصابوك عين بعد نجاحك بدور كارما في للموت، وأجابته الفنانة بالقول: ليش وقفت ع للموت؟.. قبلها بسنتين كان عندي 'أسوَد' وقبلو كمان بسنتين 'ثورة الفلاحين'، هيك الله وكيلك كل مسلسل في ورا كذا سنة ترقّب وأمل بأدوار غير شكل.. بس no.. مش هيك القصة.