تحدثت الفنانة إنجي كيوان عن تعاونها للعام الثاني على التوالي مع الفنانة ياسمين عبد العزيز.

وأوضحت إنجي كيوان أنها العام الماضي في مسلسل 'وتقابل حبيب' لم تجمعها مشاهد كثيرة بياسمين عبد العزيز، لكنها هذا العام في مسلسل 'وننسى اللي كان' تجمعها مشاهد كثيرة بها وهو ما أسعدها.

وقالت إنجي كيوان عن ياسمين عبد العزيز خلال لقائها في برنامج 'أسرار النجوم' مع إنجي علي عبر إذاعة وقناة 'نجوم FM': مين مبيحبش ياسمين عبد العزيز بابايا بيحبها جدا، في أول الشغل معاها كنت خايفة عشان عايزة اشتغل معاها وعايزاها تحبني وكنت على طبيعتي وحقيقية وهي شخص ذكي جدا وعارفة مين بيحبها بجد ومين لا ومين عايز مصلحة، فهي حبتني أوي وفتحتلي قلبها وبقينا أصحاب ومبسوطة أوي بعلاقتي بيها ودمها خفيف جدا وجدعة وبتقف في ضهر الناس وشاطرة'.

وأكملت معبرة عن أمنيتها في تكرار التعاون مع ياسمين عبد العزيز لكن هذه المرة في عمل كوميدي قائلة: 'نفسي أعمل معاها فيلم كوميدي'.

وخلال اللقاء تطرقت إنجي كيوان للحديث عن مسلسل 'الفرنساوي' الذي يجمعها بعمرو يوسف وقالت عن شخصيتها فيه: 'مبسوطة وخايفة جدا دور مختلف وصعب والدور دا يا إما هعمل كويس أوي وأنجح ولو معملتوش كويس هيبقى بيني وبين نفسي أنا فشلت في التمثيل كل مشهد صعب جدا وبعيد أوي عني هينزل في شهر مايو'.

وفتحت إنجي كيوان قلبها عن أكثر ما يخيفها في الحياة وقالت: 'بخاف أوي من الموت قبل ما أبقى أم مكنتش بخاف وكنت بعمل كل حاجة أسوق العربية بسرعة كنت جريئة جدا ومش فارق لي أي حاجة لما بقيت أم ببقى خايفة أموت لأن لو مت مين هيحبهم قدي وخايفة عليهم أوي'.

ومسلسل 'وننسى اللي كان' بطولة ياسمين عبد العزيز، كريم فهمي، شيرين رضا، إنجي كيوان، خالد سرحان، محمد لطفي، إدوارد، ومنة فضالي، والعمل من تأليف عمرو محمود ياسين وإخراج محمد حمدي الخبيري.