روى السيناريست تامر حبيب موقف جمعه بالمخرج هاني خليفة، أثناء التحضير لفيلم سهر الليالي، كاشفًا حلمه الذي تحقق بسبب دعوة استجابت له.

قال تامر حبيب في لقائه مع الإعلامية شيرين سليمان، ببرنامج سبوت لايت المذاع على قناة صدى البلد: 'في يوم من الأيام كنا لسة بنعمل سهر الليالي وقاعدين بنحلم لسه بنعمل أول فيلم لكل واحد فينا، قُلتله بص أنا حفظت حوارات أفلام ناس كتير أوي عن ظهر قلب، إن شاء الله ربنا يردهالي والناس تحفظ حوارات أفلامي، واضح إن باب السماء كان مفتوح'.

ووجهت له الإعلامية شيرين سليمان، سؤالًا بشأن قصص فيلم سهر الليالي، قائلة: 'رجاء الجداوي قالتلي زمان إن سهر الليالي قصة حياة تامر وأميرة بنتي وناس صحابهم'، ليرد قائلًا: 'ده حقيقي'.

وفيما يخص حقيقة تقديم جزء ثاني من فيلم سهر الليالي، حسم الجدل، مازحًا: 'هنشوف 8 آخرين نفضحهم، غير اللي فضحناهم في الجزء الأول.. والجزء الجديد هيقدم قصص لشخصيات جديدة للجيل الأصغر وقطعت شوط كبير في الكتابة'.

واستكمل تامر حبيب: 'دايمًا بقول لأصحابي لو هتحكي خليك عارف إنك عُرضة تدخل السينما تلاقي قصتك على الشاشة'.