كشف الفنان أحمد سعد سبب غيابه عن المشاركة في موسم رمضان 2026 سواء في غناء تترات المسلسلات أو الإعلانات الدعائية، خاصة أن الجمهور اعتاد على ظهوره وتواجده دائما.

وأوضح أحمد سعد أنه يحضر لمفاجأة كبيرة لجمهوره حيث يقدم 5 ألبومات لكل واحد موضوع محدد.

وقال أحمد سعد في لقاء مع ET بالعربي: 'مهما كانت الدراما هي أعظم شيء ومهما كانت الإعلانات شيء كويس وأغانيها بتنجح وكل حاجة بس أنت لما بتعمل إعلانات بتضيف للمنتج نفسه مش بتضيف لنفسك، أنا كنت عايز أوفر كل حاجة حتى لو أنا ضحيت بالفلوس وكانت فلوس كتير حتى لو أني ضحيت إني مكنش موجود ودا شيء يحزنني جدا جدا بس كل دا عشان أنا بحضر حاجة بعد رمضان'.

وتابع أحمد سعد: 'أنا عايز اقول خبر أول مرة أقوله السنة دي عامل حاجة إن شاء الله تكمل عامل 5 ألبومات كل ألبوم ليه موضوع واحد بس، الأولاني دراما بس 5 أغاني اسمه الألبوم الحزين والألبوم التاني ألبوم الفرفشة والانبساط دا اللي واخدين عليه وبنهزر فيه، والألبوم التالت الأغاني اللي بترقص بتاعة الصيف والألبوم الرابع أغاني قديمة أغاني الموسيقى العربية زي بتاعة أم كلثوم مش إحياء لأغاني أم كلثوم وعبد الحليم لأ لكن أغاني موسيقى الحقبة الزمنية دي، والألبوم الخامس الأوركسترا'.

يذكر أن أحمد سعد شارك مؤخرا ضمن لجنة تحكيم برنامج The Voice مع رحمة رياض وناصيف زيتون.