كشفت الفنانة منة فضالي سبب المنشور الذي نشرته مؤخرا، وقالت فيه 'البقاء لله في الشغلانة'، مشيرة إلى حال مهنة التمثيل.

وقالت منة فضالي خلال لقائها مع الإعلامية إنجي علي في برنامج 'أسرار النجوم' المذاع عبر نجوم إف إم: 'أنا مش ضد إن جيل جديد يطلع، لإن إحنا كنا في يوم من الأيام جيل جديد، بس عمرنا ما كنا الجيل الجديد بياخد مكان الجيل القديم، كنا بناخد فرص خطوة خطوة'.

وأضافت: 'وقتها مكانش في محاسيب أوي، مكانش المخرج حد يقول له اعمل كذا أو جيب كذا'.

وتابعت: 'أنا النهاردة ضد قلة الموهبة، لو حد موهوب وشاطر وشاطرة معنديش اعتراض، لكن أنا ضد يبقى حد مبيعرفش يتكلم أصلا أو مبتعرفش، ليه تفرض عليا حد دمه تقيل مبيعرفش يقول مخارج الألفاظ؟'

وأشارت منة فضالي إلى توقفها عن متابعة الأعمال الدرامية التليفزيونية قائلة: 'أنا موقفة تقريبا أتفرج على مسلسلات لإن في ناس غريبة أوي، ممكن يكونوا ناجحين في حتتهم، لكن مش ناجحين في حتتنا'.

وأكملت: 'مينفعش أجيب حد بيقول بسم الله ويبقى نجم شباك أو مسلسل، في ظل إن عندك نجوم قاعدة في البيت إنت كنت بتبيع بيها وتشغلها، وكان لها أفلام ومسلسلات كل سنة'.

وأوضحت منة فضالي أنها لم تعد تعمل كما في السابق بقولها: 'أنا واحدة من الناس كنت بشتغل كتير جدا مبقتش أشتغل، السنة اللي فاتت عملت عمل واحد، في ظل كل المسلسلات الأوف سيزون دي أنا فين؟'

حرب نجوم #رمضان بدأت بدري قوي ... قصف الجبهة اشتغل بين محمد رمضان وأحمد العوضي ????

#عشماوي #سلطان_الديب https://t.co/ub6Wv3DL8l