ردّت الفنانة المصرية شذى على الانتقادات التي وجهت لها، عقب ظهورها وهي تحاول التقاط صورة سيلفي إلى جانب النجم المصري تامر حسني، وتقبيله، في حفل زفاف الفنان أحمد عصام الذي أقيم مساء الجمعة، بعد أن انتقدته في تصريحات سابقة.

وجاء رد شذى تعليقاً على متابع انتقد تصرفها بشدة، فكتب: 'ثواني بس هي مش دي شذى اللي كانت طلعت من كام شهر وقالت انها زعلانة من تامر حسني وانه مش مخليها تشتغل وان هما صحاب ايه ذا بتنادي عليه وبتبوسه عادي'، لترد الفنانة المصرية من خلال حسابها على موقع 'فيسبوك': 'علشان اتربينا على أن احنا متسامحين وهو اخويا مش عدوي وطبيعي جداً اسلم عليه لما عيني تيجي في عينه الدنيا مش مستاهله وفي الاول وفي الاخر العتاب دائما على قد المحبة'.

وكانت شذى قد انتقدت تصرفات تامر حسني معها، وقالت في لقائها عبر برنامج 'أنا سعيد'، عبر قناة 'القاهرة والناس': 'سيرة تامر حسني بتقلبلي مزاجي، مش عشان أنا مبحبوش لأ أنا بحبه جدًا وإحنا عشرة سنين، ولكن تامر من وقت وفاة أبويا وأمي مظهرش، ولو ظهر بيظهر كضيف شرف، ومش بتكلم على الشغل أنا بتكلم على الإنسانية، أنا مليش حد هنا ومعنديش إخوات وكل عيلتي برا مصر'.

وأكدت شذى في تصريحاتها أن الفنان تامر حسني 'ضيف شرف' في حياتها بسبب عدم تواصله معها أثناء تعرضها للعديد من الأزمات المهنية والشخصية، وقالت: 'على المستوى الشخصي والمهني تامر ضيف شرف في حياتي، خاصة إني بتعرض لأزمات كتير في السوق وتغير الذوق، ولكن تامر في إيده إنه يصلحلي حاجات كتير وأنا أستاهل ده لأن الصحاب لازم يكونوا ضهر لبعض، خصوصًا لو أنت كنت كويس معاه قبل كده، عشان كده بزعل لما بتيجي سيرة تامر، لأني مكنتش مستنية منه حاجة كنت مستنية يسأل عليا'.

وعاتبت شذى خلال اللقاء عددًا من زملائها الفنانين الذين لم يقدموا لها التهنئة والدعم بعد طرح أحد أعمالها الغنائية، وقالت: 'رامي صبري مباركليش على أغنيتي الجديدة مع إنه كان حاضر معايا المشاكل اللي حصلت، ولكن ممكن يكون اتشغل، وتامر عاشور مباركليش، مع إنهم أصحابي على طول على تواصل وبباركلهم، وأنا مبزعلش من رامي لأنه طيب وكان في ضهري وبيديني نصايح'.