نشر الفنان تامر حسني عبر حسابه الخاص في 'إنستغرام' مقطعاً مصوّراً للشيخ رمضان عبدالرازق يرفع فيه دعاء ليلة الإسراء والمعراج، احتفالاً من تامر بهذه الليلة.

وعلّق تامر على الفيديو طالباً من جمهوره الدعاء له بالقول: 'متيجوا ندعي لنفسنا وندعي لبعض في ليلة الإسراء والمعراج. أنا عن نفسي هدعيلكم إن ربنا يقرّبلكم كل أحلامكم البعيدة ويبارك في صحتكم ويشفي مرضاكم وينجّحكم كلكم في دراستكم وأشغالكم وفي علاقاتكم وفي كل حلم بتحلموه ويحفظلكم أولادكم وأخواتكم وأبّهاتكم وأمّهاتكم وكل عيلتكم وأصحابكم وكل اللي بتحبوهم ربنا يحفظنا من شر أنفسنا ومن شر السوشيال ميديا ومن شر الدنيا يارب لاحول لنا ولا قوة إلا بك'.

واختتم تامر قائلاً: 'متنسوش تدعولي يا حبايبي أنا وولادي ومامتهم وأهالينا، كل سنة وإنتوا طيبين'.

وكان تامر حسني قد وجّه نصائح لجمهوره؛ مؤكداً أنها ناتجة من تجارب شخصية مر بها في حياته ويريد أن يفيد بها كل مَن حوله، قائلًا: 'اتمسك بالصلاة مهما كنت بتعمل إيه وأوعى تقول ربّنا مش هيقبل صلاتي... أوعى تشك في رحمة ربنا، وربنا أكرم وأرحم من أي غلط بتعمله ومسير صلاتك تخليك تقلل من الأخطاء وبعد الصلاة يجي الاستغفار والتصدق والتوبة حتى لو رجعت تاني لنفس الأخطاء، ارجع مرة واتنين ومليون لربنا المهم تخلّيه معاك وقدّام عينك طول حياتك'.

وأضاف: 'أنا مش شيخ ولا بنصح، لكن بتكلم عن حاجات مرّيت بيها في حياتي وكانت من أسباب تحقيق حلمي'.