كشف الفنان باسم سمرة عن رأيه في تقديم دور مثلي الجنس مجداد، بعد تقديمه في فيلم 'مرسيدس' وفيلم 'عمارة يعقوبيان'.

وقال باسم سمرة خلال لقائه مع الإعلامية أسما إبراهيم في برنامج 'حبر سري' المذاع عبر قناة 'القاهرة والناس':لو الورق هادف وعايز يخدم المجتمع وينبهنا إن في كارثة أعمله بدون أي تخوف أنا مش بعمل حاجة غلط أنا بمثل'.

وأضاف باسم سمرة: 'الموضوع مش جديد الموضوع تاريخي من أيام سيدنا لوط مش لسه مخترعينه، ومش عمارة يعقوبيان ولا حمام الملاطيلي اللي أظهر المثلية'.

وتابع: 'نعمل إيه علشان ميحصلش الحاجات دي، وإزاي ميحصلش تحرش بالأطفال، ومبيبقاش في جزيرة إبستين اللي فيها ملوك ورؤساء'.

يذكر أن باسم سمرة يعرض له في رمضان مسلسل 'عين سحرية'، وهو دراما اجتماعية تشويقية عن شاب بسيط يعمل كفني كاميرات مراقبة، ويتورط في جريمة قتل، وفجأة يقتحم حياته محام غامض، لتتحول العلاقة بينهما إلى ثنائي يكشف ملفات فساد كبيرة.

المسلسل من بطولة عصام عمر، باسم سمرة، سماء إبراهيم، عمرو عبد الجليل، جنا الأشقر، محمد علاء، فاتن سعيد، تأليف هشام هلال، وإخراج السدير مسعود، وإنتاج 'المتحدة' بالتعاون مع المنتج محمد مشيش.