شارك المطرب أحمد جمال جمهوره عبر صفحته الرسمية في موقع التواصل الاجتماعي إنستجرام صورا من الحفل الغنائي الذي جمعه لأول مرة بخطيبته المطربة فرح الموجي على المسرح، ضمن فعاليات المهرجان الصيفي بالإسكندرية.

يذكر أن المطرب أحمد جمال والمطربة فرح الموجي احتفلا بخطبتهما في يناير الماضي في أجواء عائلية، واقتصر الحفل على الأهل والأقارب.

المطربة فرح الموجي هي حفيدة الملحن محمد الموجي وابنة المايسترو حمادة الموجي.

وتحدث أحمد جمال عن أول تعارف بينه وبين فرح الموجي قائلا: 'أنا عرفت فرح وهي كبيرة ما شفتش The Voice Kids ومعرفش أنها بتغني كل دي مفاجآت حصلت بعدين'، وذلك خلال استضافتهما في برنامج 'معكم منى الشاذلي'.

وأضاف أحمد جمال: 'الحكاية بدأت أن صديق مشترك لينا كان عامل عزومة أنا كنت رايح وهي مكانتش هتروح، وأنا في نص الطريق عرفت أن العزومة اتأجلت ليوم تاني، وللنصيب لما العزومة اتأجلت اتقابلنا، أنا مأخدتش ساعة كنت واخد القرار، أنا مبينتش حاجة حتى متكلمناش، كلمت صديقنا المشترك سألته سؤالين فرح مخطوبة قالي مش عارف، قلت له خلاص أنا هخطب فرح لما تعرف قولي'.

وتابع أحمد جمال: 'أنا أعرف والدها المايسترو حمادة الموجي، بس حبيت أن الموضوع يجي بطريقة غير مباشرة عن طريق أصدقاء، وطول الوقت دا أنا مكنتش أعرف أنها بتغني، كنت أعرف معلومات عادية زي درست إيه وعيلتها مين لحد ما قالتلي'.

وحكت فرح كيف تقرب منها أحمد جمال وقالت:' لما قالولي أنا مفهمتش، هو قعد يحاول يفتح كلام معايا بتحبي إيه وبتعملي إيه في حياتك، وقالي تعالى نتصور مع بعض وطلب مني الإنستجرام وبعدها طلب الواتس اب عشان الصور كتير وإديته رقمي بحسن نية مكنش في بالي حاجة، ولما روحنا بدأ يتكلم معايا'.

الألبوم إعداد – محمد سليم