تحدث الفنان السوري معتصم النهار عن فترة طلاقه واعترف أنه خان من قبل.

وخلال لقائه في برنامج 'أنا وبس' مع سينتيا صباغ فتح معتصم النهار قلبه وحكى عن أسباب الطلاق ووصف فترة طلاقه بالأصعب في حياته.

وقال معتصم النهار: 'يمكن خنت مرة اختبرت الخيانة أو يمكن كنت شريك، بس صدق ليست عن سبق إصرار ظروف الحياة كانت بتاخدني والاستمتاع بالمكان اللي أنا فيه والطرف الآخر كان بيستقبل ويضايق ويكبت جواه وبيضحي وأنا مش حاسس ودا غلطي ومشكلتي الحقيقية، مش مشكلتي الحقيقية إني مكانش فارق معايا لا كان فارق معايا كتير، فارق معايا العيلة وهي وكل شيء بس يمكن مكنتش مدرك أو بعرف أن دا محتاج مني وقت وانتباه'.

وأكد معتصم النهار أنه كان يرفض الطلاق ومن اليوم الذي وقع فيه كان من داخله يريد العودة لزوجته مجددا: 'أنا مكنتش عايز أطلق ولما حصل الطلاق خليتهم موجودين معايا وأخدت لهم بيت جنب بيتي بالظبط، خفت أن تتجوز حد تاني خليت علاقتنا موجودة مقطعتش الرابط بشكل نهائي، بنتي ساندرا كانت تهيء الجو لأننا نرجع هي كانت حريصة أننا نرجع نتواصل ودا خلاني أحس بالذنب وحسيت أن إحنا ممكن نكون مع بعض بشكل أفضل ونخلي اللي حصل فرصة أننا نعرف فين أخطائنا ونرجع نبني من أول وجديد'.

وكشف معتصم النهار عن الشخص الذي ساعده من الوسط الفني هو الفنان سلوم حداد وقال: 'الشخص اللي ساعدني الفنان سلوم حداد بيتعامل معايا إني ابنه وصديقه ودائما على تواصل ووقت لما حصل الطلاق كان بيلومني طول الوقت، لما احكيله التفاصيل ميسمعش يقولي في أولاد لازم ترجعوا، واللي ساعدني على الرجوع أن كان بيني وبين 'لين' حب، أنا اللي رجعت واللي بادرت واشتغلت على الموضوع، أنا أخدت القرار من أول لحظة الطلاق'.

وأوضح معتصم النهار أن من أسباب الانفصال هو زواجهما في سن صغير قائلا: ' أنا ولين لما اتجوزنا كنا بعاد عن أهلنا وفي السنة التانية جات بنتنا 'ساندرا' وكان عندنا قلة نضوج وعدم خبرة كنا بنجرب بنحاول نفهم الحياة والزواج، ونجوميتي أثرت لأن طبيعة العمل بياخد ساعات طويلة والعيلة بتشتاقلك وبتحتاجلك وبتكون مش موجود في مناسبات كتير دا أثر على الموضوع، مرحلة الطلاق بشعة ومش بحبها ولما برجع افتكرها بيضيق نفسي كانت فترة صعبة عليا بشكل شخصي وصعبة علينا كعائلة'.

يشار إلى أن معتصم النهار يعرض له في دور العرض السينمائية فيلم 'نصيب' أول أفلامه في مصر.

فيلم 'نصيب' بطولة ياسمين صبري، معتصم النهار، رحمة أحمد، وخالد سرحان، ودنيا ماهر، ودنيا سامي، وعمر الشناوي، ووليد فواز، وأحمد فهيم، وطارق الإبياري، إلى جانب ضيوف الشرف محمد أنور ونضال الشافعي ومحمد لطفي، تأليف أحمد عبد الفتاح، وإخراج أحمد خالد أمين، وإنتاج كامل أبو علي، وصُورت مشاهده بالكامل في مدينة الغردقة

حرب نجوم #رمضان بدأت بدري قوي ... قصف الجبهة اشتغل بين محمد رمضان وأحمد العوضي ????

#عشماوي #سلطان_الديب https://t.co/ub6Wv3DL8l