كشف المخرج طارق العريان تفاصيل أعماله الجديدة خلال الفترة المقبلة.

وفي لقاء مع ET بالعربي تحدث طارق العريان عن أحدث أفلامه 'التهويدة' الذي يتعاون فيه مع عمرو يوسف وقال: 'فيلم 'التهويدة' مع عمرو يوسف كنت مفروض أدخله قبل 'ولاد رزق 4' ولكن شكلي لأن في صعوبة في كتابة السيناريو بنعيد ونزيد فيه أعتقد هبدأ فيه بعد 'ولاد رزق4'، هو فيلم رعب نفسي، أول مرة أعمل فيلم كده'.

وإلى جانب الفيلم يخوض طارق العريان تجربة جديدة بإخراج مسلسل فرنسي إنجليزي، وقال عنه: 'بحضر لمسلسل فرنسي إنجليزي القصة عجبتني وهي جريئة جدا على العالم العربي وهي قصة حقيقة حصلت في 1920 ومش هينفع نعملها غير بلغتها'.

وتابع طارق العريان: 'البطلة فرنسية والأحداث بين إنجلترا ومصر، المرشح هو أمير المصري بس البطلة مش عارفين وحاليا بنكتب السيناريو، هي حادثة حصلت في الفترة دي واحدة قتلت جوزها والمحكمة كانت في لندن، المثير الشخصيات شخصية الفرنسي وشخصية جوزها اللي هيعمله أمير المصري هما شخصيات غريبة وسينمائية جدا ومختلفة والعلاقة اللي بينهم غريبة جدا الناس هتبقى مهتمة تتفرج على حاجة حقيقية وغريبة في نفس الوقت'.

وعن اختيار أمير المصري قال: 'الشخصية شبه أمير المصري ومن حوالي 5 سنين كلمته وكانت متشجع وبعدها عمل نجاحات ودا في مصلحتنا وهو لسه مهتم'.