كشف النجم أحمد زاهر كواليس رقصته مع ابنته، الفنانة ليلى أحمد زاهر، في حفل زفافها على الفنان هشام جمال.

ونشر أحمد زاهر عبر صفحته الرسمية في موقع التواصل الاجتماعي إنستجرام فيديو رقصته مع ابنته ليلى في حفل الزفاف، وكتب في التعليق: 'وانا داخل ارقص معاكي شفت وشك اللي زي القمر اجمل عروسه في الدنيا كلها بصيت في عينيكي و فجأه مر قدامي شريط ذكريات من اول لما جيتي الدنيا وانا اول واحد شيلتك بين ايديا و شفت كل لحظه وانتي بتكبري قدام عنيا لحد اللحظه اللي احنا بنرقص فيها مع بعض و انتي عروسه زي القمر و خلاص هاتسيبيني و تمشي مع عريسك'.

وأضاف أحمد زاهر: 'حسيت بمشاعر كتير متناقضه و مختلفه والدموع نزلت من عيني غصب عني وحسيت اني عاوز اقولك لا متمشيش و تسيبيني وارجع في كلامي بس في نفس الوقت أنا عارف ان دي اجمل لحظه في حياتك انك اخترتي اللي بتحبيه و بيحبك و بصراحه اخترتي صح راجل و محترم و بيحبك و بيقدرك و هايشيلك جوه عنيه زي ما وعدني مبروك يا بنت عمري يا بنت قلبي بحبك يا اجمل بنوته و اجمل عروسه في الدنيا كلها بحبك يا ليلي'.

يذكر أن حفل زفاف الفنانة ليلى أحمد زاهر والفنان والمنتج هشام جمال أقيم في أجواء فخمة عند هرم سقارة، بحضور عدد كبير من نجوم الفن وأصدقاء العروسين.

وحضر حفل الزفاف عدد كبير من النجوم من بينهم يسرا وليلى علوي ويوسف الشريف ومصطفى شعبان وأحمد فهمي ومي عمر وزوجها محمد سامي وروجينا وأشرف زكي وأحمد السعدني وداليا البحيري ورنا رئيس وزوجها ودنيا عبد العزيز وعبير صبري، وكريم العدل، وإيهاب فهمي، ومحمود عبد المغني، ومحمد ثروت، وعصام السقا، وسوزان نجم الدين، وعمر السعيد، وإدوارد، وأمير شاهين، وتامر مرتضى، وعمرو الليثي، وإيهاب توفيق، وشيري عادل، وعماد صفوت، وغيرهم.

وأحيا حفل الزفاف كل من النجمين محمد حماقي وأحمد سعد.

شهد الحفل إضاءة هرم سقارة بهذه المناسبة، وسط حضور أسرتى العروسين والأصدقاء من داخل الوسط الفنى وخارجه.