ردت الفنانة جيلان علاء على الانتقادات التي وجهت لابن خالتها بعد انتشار صور من حفل زفافه على فتاة من ذوي الهمم، وهو ما أثار جدلا كبيرا عبر مواقع التواصل الاجتماعي.

وكتبت جيلان علاء عبر حسابها على Facebook: 'معلش أحب أرد بس بصفتي بنت خالة أدهم تامر العريس فقرار جواز سما وأدهم دة قرار اتنين بالغين عارفين هما بيعملوا إيه وليهم أحاسيس ومشاعر وبنى أدمين و ليهم أهل مثقفين ومتعلمين وعارفين ولادهم بيعملوا إيه'.

وتابعت جيلان علاء: 'خالتي والدة أدهم الدكتورة ندى أبو المجد دي من أشطر وأشهر دكاترة الإدمان فى مصر ووالدة ووالد سما ناس متعلمين ومثقفين ومحترمين وعارفين هما بيعملوا إيه كويس أوي، فطالما الزيجة دى مش هتضر حد فى حاجة يبقى بلاش نعكر فرحتهم ولا فرحة أهلهم عشان إحنا كلنا كنا فرحانين ومبسوطين من قلبنا عشان دول أنقى وأطهر من خيالكوا'.

واختتم جيلان علاء رسالتها: 'إتمنوا لهم الخير والفرحة والسعادة وبس'.

على جانب آخر، كانت آخر مشاركات جيلان علاء الفنية مسلسل 'كتالوج'.

مسلسل 'كتالوج' بطولة: ريهام عبد الغفور، ومحمد فراج، ووسماح أنور، وتارا عماد، وخالد كمال، وبيومي فؤاد، والطفل علي البيلي، وريتال عبد العزيز، تأليف أيمن وتار، وإخراج وليد الحلفاوي.