قدم النجم الكبير محمد منير أغنية 'تعب' أغنية تتر بداية مسلسل 'حد أقصى'، من كلمات الشاعر أحمد شبكة، وألحان وتوزيع موسيقي أحمد حمدي رؤوف وتقول كلماتها:

تِعب والكتف متخدل

ووش الدنيا متبدل

وخط العمر بيندل

ولسه برضه بيقول بكره تتعدل

تعب والايد مهيش طايلة

لا جاية بلين ولا محايلة

وطمعان والظروف حايلة

ولسة برضه بيقول الهموم زايلة

تِعب

تعب والضهر صالب عود

وشبعان من كلام ووعود

لا هي بتخلص ولا بتعود

ولسة برضه حامد راضي بالموجود