كشفت الفنانة سماح أنور عن رأيها في مقولة 'امرأة واحدة لا تكفي'.

وقالت سماح أنور خلال لقائها مع الإعلامية إنجي علي في برنامج 'أسرار النجوم' المذاع عبر نجوم إف إم: 'امرأة واحدة لا تكفي بالنسبة لمعظم الرجال، لإن الإنسان بطبعه بيمل، والراجل بطبعه ملول جسديا، وعلى المستوى النفسي والعصبي مش عايز يسمع كلام كتير، وأي ست هتتكلم كتير، إحنا مبنعرفش نعبر عن مشاعرنا إلا لما نتكلم'.

وأضافت سماح أنور: 'الست لما تتضايق مبتبقاش عارفة تقول اللي مضايقها علطول، وهو عايز يعرف علطول، هي تقعد تقول له من يوم ما اتولد عمل إيه، فتبقى خناقة تانية'.

وتابعت: 'لو عايزة تشتكي اشتكي لواحدة ست، عشان الستات بيموتوا في الرغي، وإحنا بنعرف مشاعرنا لما نتكلم'.

وأكملت سماح أنور: 'مفيش راجل مش عايز يستقر، والست هي اللي في إيدها الراجل، الست ربنا عملها بتعرف في العواطف والاستقرار، وهي اللي بتولد، لأن عندها قدرة على احتواء أي حد في أي سن وبأي طريقة'.

يذكر أن سماح أنور لفتت الأنظار مؤخرا بدور 'أم هاشم'، الذي قدمته من خلال مسلسل 'كتالوج'.

تدور أحداث المسلسل حول يوسف (محمد فراج)، الذي يجد نفسه مضطرا لتربية أولاده وحده بعد وفاة زوجته أمينة (ريهام عبد الغفور) بشكل مفاجئ. لم يكن يعلم يوسف أن تربية ابنته المراهقة كريمة (ريتال عبد العزيز)، التي ما زالت تحاول التكيف مع غياب والدتها، وأخيها الصغير منصور (علي البيلي) ، الذي يجد في كرة القدم ملاذا خاصا به، ستحمل في طياتها هذا الكم من التحديات. فبين نسيانه تحضير الوجبات المدرسية، والغياب عن عرض أحدهما المسرحي، يكتشف يوسف أن تربية الأولاد مهمة شاقة لطالما ارتبطت بالأم.

المسلسل من إخراج وليد الحلفاوي، وإنتاج أحمد الجنايني، وتأليف أيمن وتار، وبطولة محمد فراج (يوسف)، وضيفة المسلسل ريهام عبد الغفور (أمينة)، وتارا عماد (هويدا)، وخالد كمال (حنفي)، وبيومي فؤاد (جورج)، وسماح أنور (أم هاشم)، وصدقي صخر (تامر)، ودنيا سامي (هالة)، وعلي البيلي (منصور)، وريتال عبد العزيز (كريمة)، وأحمد عصام السيد (أسامة).