تحدثت الفنانة بسمة بوسيل عن طلاقها من الفنان تامر حسني موضحة أن وضعهما الآن أفضل.

وقالت بسمة خلال لقائها في برنامج 'أجمد 7 الساعة 7' مع جيهان عبد الله عبر إذاعة 'نجوم FM': 'مفيش واحدة بتبقى عايزة أن بيتها يتهد في الأول كنت زعلانه بس دلوقتي حاسة أننا أحسن وأولادنا أحسن، ساعات في حاجة بتفكر أنها وحشة بس ربنا شايلنا الأحلى'.

وعن شائعات عودتهما مجددا قالت بسمة بوسيل: 'رجوعنا إشاعات لو في حاجة هنقول بس مفيش حاجة كده'.

كما تحدثت بسمة بوسيل خلال اللقاء عن ابنها آدم وما حدث معه خلال الفترة الماضية والوعكة الصحية التي مر بها وقالت: 'الزايدة انفجرت وهي بتعمل مضاعفات لما بتنفجر بتبهدل الدنيا بالذات للأطفال عشان بيكونوا صغيرين ومعندهمش مناعة قوية، عمل عملية وحصل مضاعفات المصارين بتاعته لزقت في بعض، كان لازم يتدخلوا تاني جراحيا بعدها فعمل عمليتين كبار في وقت قليل وخس أوي بس الحمد لله أنها عدت على خير وربنا وقف جنبنا، كانت فترة صعبة وكنا شايفين سواد، بشكر كل الناس اللي وقفت جنبي دي أكتر فترة حسيت أن الناس كانت واقفة جنبنا وبتدعيلنا بالذات أننا كنا خايفين أوي عليه وبشكر كل الناس على الدعوات وكل حاجة'.

يذكر أن بسمة بوسيل عادت للغناء من جديد بعد فترة طويلة من التوقف وأصدرت عددا من الأغنيات المنفردة.