حكى الفنان أحمد عزمي عن موقف لا ينساه للكاتب الراحل وحيد حامد وكيف وقف معه بعد أزمته.

وقال أحمد عزمي خلال لقائه في برنامج 'الستات' مع مفيدة شيحة وسهير جودة إنه بعد أزمته وخروجه من السجن البعض قال له إن مشواره في التمثيل قد انتهى وعليه أن يبحث عن مهنة أخرى، لكن وقوف وحيد حامد بجانبه ساعده.

وقال عن موقف وحيد حامد معه: 'أستاذ وحيد حامد كلمني وطلب يشوفني وعرض عليا إني أكون بطل مسلسل 'الجماعة' الجزء التاني، واللي أدى الدور أستاذ كبير وعظيم محمد فهيم هو اللي جسد شخصية 'سيد قطب'، لكن أنا مضيت العقد وكان الأستاذ شريف مندور مخرج الجزء التاني هو اللي أنا اتقدمت له ووافق عليا، وقتها أستاذ وحيد بعت للإنتاج وقالهم أحمد عزمي خارج من أزمة طلعوله 20% مش 10 % عشان يشوف وراه إيه'.

وتابع أحمد عزمي ليحكي لماذا لم يقدم دور 'سيد قطب' في المسلسل': 'بعدها المخرج اعتذر وجابوا مخرج تاني ووقتها هو طلب ممثل جديد يشتغل معاه على الشخصية، أستاذ وحيد بعتلي وقالي إحنا زي ما إحنا في التعاقد ولكن هتعمل شخصية 'عبد الرحمن السندي' اللي أنت قدمتها في الجزء الأول، كنت حاسس باحتضان منه'.

يذكر أن أحمد عزمي شارك في رمضان 2026 بمسلسل 'حكاية نرجس'.

المسلسل من بطولة ريهام عبد الغفور وحمزة العيلى، تامر نبيل، سماح أنور، دنيا ماهر، بسنت أبو باشا، وأحمد عزمى. قام بمعالجة وسيناريو والحوار عمار صبري، فكرة وإخراج سامح علاء، وإنتاج محمد مشيش.