أكد الفنان عمر كمال أنه لا يعتبر نفسه مطربا شعبيا وأنه أخذ خطوة غناء المهرجان ليصل إلى الجمهور وبعدها يطرح أغنيات مختلفة.

وأوضح عمر كمال أنه لن يبتعد عن فكرة طرح أغنيات شعبية أو مهرجانات فهي أساس عمله لكنه في نفس الوقت سيطرح أغاني متنوعة.

وقال عمر كمال خلال لقائه في برنامج 'آخر النهار' مع تامر أمين: 'أنا مش مطرب شعبي بس السوق عايز كده وباكل عيش بكده بروح أفراح عشان 'بنت الجيران' و'إنتي معلمة'.

وكشف عمر كمال تفاصيل عن ألبومه الجديد قائلا: 'في ألبوم هنزله في شهر أكتوبر رومانسي تعاملت فيه مع أساتذة كبار عزيز الشافعي، أحمد إبراهيم، توما، تامر حسين، رامي جمال عامل كل الألوان اللي الناس بتحبها'.

وخلال اللقاء رد عمر كمال على سؤال من أين يحصل على الأموال أكثر من مشاهدات مواقع التواصل الاجتماعي أم الحفلات الغنائية؟

وقال 'الحفلات اللايف أكتر من السوشيال ميديا، السوشيال ميديا بتحصلها بعد شهر أو شهرين هي زي القمار يوم في العالي يوم في الواطي، لو أغنية ضربت مثلا جابت 100 مليون مشاهدة، مش بيديني على المليون 1000 دولار زي ما الناس بيقولوا دا كدب، بيديني على الوقت اللي الناس سمعت فيه الأغنية وحسب الإعلانات المحطوطة يعني مثلا مشروب غازي كبير غير إعلان مناديل، ولازم الأغنية تعدي عدد معين عشان تدخلك دخل، لكن الحفلات اللايف وانت واقف بتقبض'.