×



klyoum.com
lifestyle
لايف ستايل  ١٦ تشرين الثاني ٢٠٢٦ 

قم بالدخول أو انشئ حساب شخصي لمتابعة مصادرك المفضلة

ملاحظة: الدخول عن طريق الدعوة فقط.

تعبر المقالات الموجوده هنا عن وجهة نظر كاتبيها.

klyoum.com
lifestyle
لايف ستايل  ١٦ تشرين الثاني ٢٠٢٦ 

قم بالدخول أو انشئ حساب شخصي لمتابعة مصادرك المفضلة

ملاحظة: الدخول عن طريق الدعوة فقط.

تعبر المقالات الموجوده هنا عن وجهة نظر كاتبيها.

موقع كل يوم »

لايف ستايل

»مشاهير» في فن»

نبيلة عبيد: أفنيت عمري كله في الفن ... عندي صديقات كتير بس مش بعرف استمر في الصداقة

في فن
times

نشر بتاريخ:  الأثنين ١٦ تشرين الثاني ٢٠٢٦ - ٠١:٥٥

نبيلة عبيد: أفنيت عمري كله في الفن ... عندي صديقات كتير بس مش بعرف استمر في الصداقة

نبيلة عبيد: أفنيت عمري كله في الفن ... عندي صديقات كتير بس مش بعرف استمر في الصداقة

لايف ستايل

موقع كل يوم -

في فن


نشر بتاريخ:  ١٦ تشرين الثاني ٢٠٢٦ 

حلت النجمة الكبيرة نبيلة عبيد ضيفة على برنامج 'لمن يهمه الفن' الذي تقدمه أميرة نور على 'نغم إف إم'.

وتحدثت نبيلة عبيد عن كواليس أعمالها وعدد من أسرارها، وكانت أبرز تصريحاتها:

-أفنيت عمري كله في الفن، وحياتي كلها كانت تركيز في مشواري

-بتبسط جدا لما بشوف الأطفال الصغيرين بيفتكروني لما يشوفوني، وينادوني بماما نبيلة

-قصة لقب 'نجمة مصر الأولى' بدأت مع المنتج إبراهيم شوقي، لما أصر يضع اللقب على أفيش فيلم 'التحدي'

-اترددت لما إبراهيم شوقي قال لي إن لقبي هيتحط قبل اسمي، وقالي ده هيبيع عليه ١٠ أفلام ووافقت

- بشكر المنتج حلمي رفلة، وكان نفسي يكون عايش دلوقتي عشان يشوف الخط اللي رسمهولي ونجاحي وصل لفين، والبداية لما شاف دوري الصغير في فيلم 'ما فيش تفاهم' ورشحني بعدها لفيلم 'رابعة العدوية'

-لما رشحني حلمي رفلة لدور رابعة حضروني كويس جدا للدور، وجابوا اللي يساعدني في الإلقاء ومناجاة ربنا، وحسيت وقتها بعظمة وقيمة الدور ده، وعمل لي عقد بـ ٤ أفلام بعد 'رابعة العدوية'

-'الراقصة والطبال' كان قصة حقيقية، وقالي عليها إحسان عبد القدوس

-الفنان أحمد زكي ممثل عظيم جدا، ومشهد الضرب في شادر السمك كان حقيقي وكان شديد جدا، وكل الفريق كان عامل حسابه وكان ممكن أحمد زكي يشوهلي وشي، وده بسبب إنه بيعيش تماما في أي دور بيؤديه ودي كمان سكتي في الشغل

-السيناريست محمود أبو زيد حكالي على رواية 'ديك البرابر' وحبيت الموضوع كله، وشوفت إن فاروق الفيشاوي هيعمل دور معاق بشكل هايل، والكتابة كانت مدروسة جدا والشخصيات مرسومة صح، وهو من الأفلام اللي بحب أتفرج عليها وبحب أشوف نفسي فيه وكل الممثلين اللي حواليا

-بنت حلمي رفلة قالتلي إن حلمي كان عنده ٣ غاليين عليه، هما مديحة يسري وشادية ونبيلة عبيد

-لما مريت بفترة اختيارات أدواري فيها ما كانتش كويسة توقفت وقتها، ولجأت لإحسان عبدالقدوس

-كل شخصية مكتوبة عملتها بشكل مختلف عن التانية، وكل الشخصيات اللي عملتها كانت بعيدة عن شخصيتي وطباعي

-كان نفسي أشتغل مع المخرج حسين كمال، ولكن علاقاتنا كانت من بعيد لبعيد، وقالي أنا راقبتك من بعيد وهبعتلك فيلم 'العذراء والشعر الأبيض'، وكنت فرحانة جدا وكنت تلميذة مطيعة، وكان نفسي استفاد من خبرات حسين كمال واتعلم منها

-أول تكريم خدته في حياتي كان من مهرجان الإسكندرية، وكان على فيلم 'لايزال التحقيق مستمرا'، وما كنتش مصدقة وقتها إني بتكرم وفرحت جدا، ومن وقتها وأنا عايزة آخد جايزة على كل فيلم بعمله

-دوري في فيلم 'الوحل' كمدمنة كان صعب جدا، ونور الشريف من الفنانين العظماء لأنه بيساعد الممثل اللي قصاده بتعبيراته وتمثيله

-لايمكن أفكر إني أنتج فيلم دلوقتي، وزمان المادة ما كانتش بتهمني، وعملت كل اللي أنا عايزاه ودخلت في الإنتاج، وكنت بشتري الرواية عشان أعملها ما دام أنا حباها

-عندي صديقات كتير بس عندي مشكلة إني مش بعرف استمر في الصداقة، وسهير شلبي صديقتي ومش بتزعل لما مش بكلمها وبتوحشني

-ما كنتش بستنى يجيلي الورق عشان أمثل، وكنت بروح لمحمود أبو زيد ومصطفى محرم عشان أدور على الأدوار اللي تناسبني عندهم

-بحضر حاليا لمسلسل، وأول مرة هعمل دور شيطان، وبفكر إزاي هعمله،

-بضحك جدا في المسرح وبحبه أوي، وبحب أتفرج على الفنان محمد صبحي جدا في المسرح، وكان بيعرفني من ضحكتي، ومستنياه يفتح المسرح من تاني عشان أروحله، وكنت بحب شريف منير جدا في مسرحية 'حزمني يا' وبحب أتفرج عليه

-الرجل في حياة نبيلة عبيد كان موجود في فترة من الفترات، وما اديتش فرصة لنفسي عشان شغلي، ومش ندمانة مادام أنا اللي أخدت القرار ده

-اللي خرجت بيه من مشواري في السينما سعيدة جدا بيه، وأتمنى أشوف السينما في حال أحسن من اللي موجود، ودايما يكون فيها تقدم ونجاح مستمر

-بقول لنفسي خلي بالك من نفسك ومن اللي حواليكي، وكنتي صادقة مع كل اللي عرفتهم، وأعطيت عمري كله للجمهور

حرب نجوم #رمضان بدأت بدري قوي ... قصف الجبهة اشتغل بين محمد رمضان وأحمد العوضي ????

#عشماوي #سلطان_الديب https://t.co/ub6Wv3DL8l


المصدر:

في فن

-

لايف ستايل

في فن
موقع الفن الرائد في مصر والعالم العربي | في الفن في الفن FilFan استعرض آخر أخبار، تقارير، لقاءات، صور وفيديوهات أهل الفن والمشاهير، وتعرف على مواعيد عرض برامجك المفضلة في التلفزيون وأماكن عرض أحدث الأفلام في السينمات.
في فن
موقع كل يومموقع كل يوم

أخر لايف ستايل:

نبيلة عبيد: أفنيت عمري كله في الفن ... عندي صديقات كتير بس مش بعرف استمر في الصداقة

* تعبر المقالات الموجوده هنا عن وجهة نظر كاتبيها.

* جميع المقالات تحمل إسم المصدر و العنوان الاكتروني للمقالة.

موقع كل يوم
6

أخبار كل يوم

lebanonKlyoum.com is 2572 days old | 126,990 Lifestyle Articles | 950 Articles in Nov 2026 | 2 Articles Today | from 18 News Sources ~~ last update: 25 min ago
klyoum.com

×

موقع كل يوم


لايف ستايل