ردت الفنانة إليسا على الانتقادات التي وجهت لأحدث أغانيها 'لعبة الأيام'.

وقالت إليسا في لقاء مع 'أغاني أغاني': 'الجمهور أعتاد على مواضيع الحب والخيانة في الأغاني لكن مفيش حاجة مُنزلة في الفن أنا حرة أقدم اللي أحبه، 'إلى كل اللي بيحبوني' كانت بعيدة عن الحب 'هنغني كمان وكمان' كانت بعيدة عن الحب واجتماعية، الألبوم اللي جاي كله حب في حب ومواضيع متنوعة، حبيت أقدم شيء مختلف أغنية 'لعبة الأيام' كانت جاهزة وحبيت أطرحها لأنها تشبه الوضع اللي إحنا فيه، أنا راضية عن اللي قدمته لأن الفنان مهما يعمل شغل 10 على 10 دايما فيه انتقادات وأنا اتعودت على دا ومفيش حاجة منزلة مفيش حد يفرض عليا أنزل أغنية إيقاعية أو لا دا قراري النهائي'.

وأعلنت إليسا أن الموعد المبدئي لألبومها الجديد سيكون في أكتوبر المقبل.

وخلال اللقاء كشفت إليسا سر خسارتها للوزن موضحة: 'بعمل مجهود كبير عشان أخس أنا عايشة تقريبا بدون أكل، أنا ضد حقن التخسيس مش محتاجاها هما كام كيلو بيروحوا بالرياضة ونوع الأكل'.

وأغنية 'لعبة الأيام' كلمات شادي نور، ألحان محمد يحيى، توزيع إلهامي دهيمة وأحمد حسام.

وتقول كلمات أغنية 'لعبة الأيام':

'في لعبة الأيام.. مش فارقة النتيجة كام كام

المهم إن إحنا تمام.. كويسين وسلام

ليه الأيام بتعشمنا.. وفي ثانية بترجع تحرمنا

وفي عز الحوجة بتساومنا.. بتدينا لكن تاخد منا

عمالة بتتمرجح بينا.. بزراير تتحكم فينا

بتطلعنا وبتنزلنا .. بتحركنا وبتمشّينا