وجه محمد رمضان رسالة للفنانين طالبهم فيها بحب الخير لبعضهم البعض، وذلك خلال حفله في الساحل الشمالي الذي أحياه مساء الجمعة 14 أغسطس.

وحكى محمد رمضان عن موقف أحد المطربين الكبار الذي غضب بعدما تم تشغيل أغنية من أغاني 'رمضان' خلال تواجده في إحدى الشواطئ.

وقال محمد رمضان: 'في حاجات بتحصل غريبة من نجوم كبار لما نجم كبير يمشي الـDJ عشان شغل أغنية محمد رمضان في إحدى الشواطئ بالغلط دا عيب أنت بتشغل أجنبي لازم يكون ليك خير في أهل بلدك ومغنيين بلدك الكره الدفين اللي بينا دا اللي مخلينا مش معروفين في العالم، العالم ميعرفش مغني مصري واحد لازم نحب بعض'.

وتابع محمد رمضان: ' شوفوا المغاربة بيعملوا إيه مع بعض لازم نحب بعض الكلام دا بقوله من مصر لأن دي منصتنا الكبيرة ياريت الكلام دا يوصل عايزين نتقدم هدفنا نثبت للعالم إن مزيكتنا موجودة معاهم على نفس الكوكب'.

وأضاف محمد رمضان: 'هدفي إني أعرف العالم قيمة جمهوري وأهميته ودا سبب الخطوات اللي بعملها يمكن كتير مش فاهمين الراجل دا بيعمل إيه في لندن وباريس وأمريكا أنا نفسي لأن إحنا كبار ومهمين إحنا مصر وثقة في الله هدفنا يتحقق بحبكم ودعمكم وهنثبت للعالم إن إحنا أهم دولة موسيقية'.

وقدم محمد رمضان خلال الحفل مجموعة من أغانيه وسط تفاعل كبير من الحضور.

كما ظهر محمد رمضان بأكثر من إطلالة، حيث ارتدى قناعا أخفى ملامح وجهه كما ارتدى تاج على رأسه.