كشف الفنان مصطفى قمر كواليس فيلم 'الحب الأول' وحكى أشياء لأول مرة.

وقال مصطفى قمر خلال لقائه في برنامج 'صاحبة السعادة' مع إسعاد يونس: 'ساندرا نشأت كانت هي اللي هتخرج فيلم 'الحب الأول' وكريم عبد العزيز كان مكان طارق لطفي واعتذروا قبل الفيلم بوقت قليل جدا'.

وتابع مصطفى قمر: 'كريم قالي أنا مش هقف قدامك عشان هتكره أنا هطلع شرير وأنت محبوب وأنا احترمته أما ساندرا نشأت كانت مش مندمجة مع السيناريست وحصل خلاف، أتحطيت في موقف صعب كنت بدور على بطل ومخرج جبت المخرج حامد سعيد كان مخرج فيديو كليب كان عاملي كليب ودا أول فيلم ليه، وجبت طارق لطفي رحت له حكيت له الفيلم وطلبت منه يمضي على طول'.

وأكمل ليحكي عن كواليس التعاون مع حنان ترك ومنى زكي قائلا: 'منى زكي وحنان ترك كان في بينهم تنافس لما رحت لحنان وإحنا بنتفق قالت عايزة تعرف اسمها هيتكتب إزاي في الأفيش سألتها إنتي عايزة إيه قالت أنا عايزة أبقى بعديك على طول قلتلها هكتب اسمك قبل اسمي'.

وحكى مصطفى قمر عن موقف حدث لمنى زكي وخلاف بينها وبين المنتح قائلا: 'منى زكي هي رقيقة وحساسه جدا كانت اتخانقت مع المنتج هاني جرجس لأنها نزلت متأخر شوية وقال مش هيصور الكوبليه بتاعها في الأغنية عشان مش عايز يدفع فلوس يوم تاني، قلت أنا هصورها على حسابي وقعدنا يوم على حسابي عشان نصور الكوبليه بتاعها'.

وفيلم 'الحب الأول' إنتاج عام 2000 بطولة مصطفى قمر وحنان ترك ومنى زكي وطارق لطفي وهاني رمزي، تأليف أحمد البيه وإخراج حامد سعيد.