تحدثت الفنانة زينة منصور عن كواليس تجسيدها لشخصية 'أم عبير' في مسلسل 'هذا المساء'، مؤكدة أن الدور كان مختلفًا عن الشخصيات التي قدمتها من قبل، وحقق صدى واسعًا وتفاعلًا ملحوظًا لدى الجمهور.

وقالت زينة منصور خلال مقابلة تلفزيونية في برنامج تفاصيل مع الإعلامية نهال طايل عبر فضائية صدى البلد 2: «مش كل الشخصيات اللي أنا كنت بعملها في العادي، لكن أم عبير دي بهرتني، وبهرتني بنجاحها، كانت الفكرة حلوة وجديدة، والمسلسل نوع مختلف، والشخصية أصلاً كانت عليا مختلفة».

وأضافت زينة منصور: «لدرجة إني ضحيت بشعري، ورحت عملت شعري برتقالي علشان أبقى شبه الحالة وشبه الكراكتر وشبه الشخصية إلى الآن، شوفي عملت أدوار قد إيه، كل الناس ما زالت إلى الآن مركزة وفاكرة أم عبير».

وأشارت زينة منصور إلى أنها استوحت الشخصية من الشارع، قائلة: «جبتها من الشارع، كان في ست كده عاملة شعرها البرتقالي ده، وست بتعمل كل حاجة في الخبث، وأهم حاجة عندها إنها تبسط نفسها، ومش مهم المجتمع ومش مهم الناس، يعني شبه ناس كتير».

وأردفت زينة منصور : «لكن طبعًا عملتها كانت منيلة بنيلة، يعني بوظت الدنيا، ورغم كده أم عبير دي ما اتكرهتش، الناس بتحبها حب سبحان الله، عملتها بحب شديد قوي، حبيتها قوي، وكنت بجتهد، الحمد لله، يعني كنت بجتهد».

واختتمت زينة منصور حديثها قائلة: «اتجلدت كتير، كل الناس يعني بتقول أم عبير دي أيقونة الإغراء الشعبي، معرفش إزاي، لكن هي كانت من الشخصيات الناجحة قوي اللي أنا عملتها واللي عملت لي بصمة.

اقر أيضا: