شاركت الفنانة هبة السيسي متابعيها بصورة جديدة لها كشفت من خلالها عن تطورات حالتها الصحية بعد خضوعها لجلسات العلاج الكيماوي.

نشرت هبة السيسي فيديو عبر خاصية القصص القصيرة في حسابها على Instagram ظهرت فيه حليقة الرأس.

وتلقت هبة السيسي رسائل دعم من أصدقائها ومتابعيها متمنين لها الشفاء.

وكانت هبة السيسي كشفت عن إصابتها بالسرطان وقالت في برنامجها 'ميس إيجيبت' الذي تقدمه عبر قناة 'الشمس' في أول ظهور لها بعد خضوعها لعملية جراحية: 'النهاردة أول حلقة ليا بعد فترة صحية كانت صعبة جدا بعد إصابتي بالسرطان وعملت عملية كبيرة بس الحمد لله ربنا كرمني وعدت على خير'.

وتابعت هبة السيسي: 'حابه أطمن كل الناس اللي سألوا عليا وقلقوا عليا ودعولي من قلبهم أنا الحمد لله بقيت كويسة، بس الفترة اللي فاتت خلتني أحس يعني إيه دعوة طالعة بصدق من القلب ويعني إيه في ناس حلوة وجميلة موجودة واقفة في ضهري من غير مقابل، حابه أشكر كل الناس اللي سألت عليا سواء برسالة أو بمكالمة أو زيارة أو حتى دعوة لأن دعواتكم فرقت معايا جدا أنا كنت داخلة في موضوع كبير والحمد لله كلامكم الجميل وصلني وكان دعم ليا في وقت بجد أنا كنت محتاجة الدعم وكنتوا فعلا سند حقيقي ليا'.

واختتمت هبة السيسي حديثها: 'النهادرة أنا راجعة بطاقة جديدة وحابه أقول لأي حد بيمر بتجربة صعبة أنتوا أقوى مما تتخيلوا وربنا هيسخر لكم اللي يسندكم ويدعمكم ومفيش أقرب من ربنا في أي وجع شكرا ليكم جدا'.

يذكر أن آخر أعمال هبة السيسي فيلم 'حليمو أسطورة الشواطئ' قدمته عام 2017، تأليف محمد فضل وإخراج محمد سعيد، وشارك في بطولته طلعت زكريا وريم الباروي ودينا ونرمين ماهر وكريم أبو زيد وأحمد حلاوة وبيومي فؤاد.