رد الفنان الشاب أحمد رمزي على انتقادات الناقد طارق الشناوي لمسلسله 'فخر الدلتا' مؤكدا أنه يحترم كل الآراء التي تكتب عن العمل.

وقال أحمد رمزي في لقاء مع ET بالعربي: 'رأيه يحترم جدا أستاذ كبير وناخد بالنا إن شاء الله في اللي جاي العمل اللي بعده أبقى أحسن وأحسن بس اللي بجد حاسس حاجة إن شاء الله المرة اللي جايه ابقى أحسن'.

وتابع أحمد رمزي: 'أنا أول مرة أسوق عربية عايزني أجري على الطريق وسط ناس بتسوق بقالها عشرين سنة، أنا نازل وسط منافسة ونجوم أنا أول حد تقريبا والكاست كله معظمه جديد دا مش موجود في أي مسلسل في رمضان تجربة تحترم نسقف لها وندعمها حاسس فيها أخطاء طبيعي جدا لأننا لسه بنبتدي حياتنا'.

وكان الناقد طارق الشناوي قال إن مسلسل 'فخر الدلتا' لم يرق إلى توقعات الجمهور ويحقق النجاح المرجو منه، خاصة بعد حملة الترويج الكبيرة له قبل عرض العمل، كما تحدث عن ضعف الجرعة الكوميدية وفتور الإيقاع الضاحك داخل الأحداث.

مسلسل 'فخر الدلتا' بطولة أحمد رمزي وكمال أبو رية وانتصار وحنان سليمان وأحمد صيام ونبيل عيسى وخالد زكي، وأحمد عصام السيد وتارا عبود وعلي السبع وأحمد هشام ووليد عبد الغني وسارة علاء ولينا إيهاب وفرح عزت، قصة عبد الرحمن جاويش، ومن إخراج هادي بسيوني.

بيتر ميمي يرد على كابتن إيلا بعد تعليقها على مسلسل 'صحاب الأرض'