حكى الفنان تامر عاشور قصة تعارفه بزوجته المذيعة نانسي نور.

وقال تامر عاشور خلال لقائه في برنامج 'صاحبة السعادة' مع إسعاد يونس: 'اتعرفنا على بعض عن طريق صديق، أول ما اتعرفنا على بعض أنا دخلت في الموضوع على طول، أنا زمان كنت بشوف نانسي في التليفزيون ومكنش ليا علاقة بيها تماما ولا أعرفها ولا أي حاجة وكنت بقول يارب ليه متجوزش واحدة زي دي، والموضوع اتنسى بالسنين والله'.

وتابع تامر عاشور: 'لما اتعرفنا على بعض مرضيتش احكيلها على الموقف دا، بعد كام شهر لما اتعرفنا على بعض اتقدمت لباباها وهو صعب جدا، باباها قعد معايا ورحب بيا واتكلمنا في حاجات كتير جدا هو عايز يختبرني واتفقنا على الخطوات اللي هنعملها، إحنا كنا كتب كتاب مش فرح، بس من كتر الناس الموجودة وبنحبها طلع شكله فرح'.

وكان تامر عاشور طرح ألبومه الجديد والذى يحمل اسم 'ياه' على موقع 'يوتيوب' وجميع منصات مواقع التواصل الاجتماعي، والذى ضم باقة متنوعة من الأغانى التى تعاون فيها مع كبار الشعراء والملحنين والموزعين، وحقق به نجاحات كبيرة على السوشيال ميديا بإشادة الجميع باعتباره النجم الأكثر انتشارا خلال الفترة الأخيرة .

الألبوم الجديد يشمل 12 أغنية هي: 'ياه' و'الله يحنن' و'حبيبي القديم' و'حبك رزق' و'أنا مكرهتوش' و'يوم ما تنسى' و'قصر بعيد' و'مرتحناش' و'ماشيين' و'جم شرفوا' و'متعملهاش حكا' و'مش بعرف أنام'.