كشف المطرب عمر كمال عن نصيحة قدمها الفنان عمرو دياب له وسمعها منه ونفذها.

وقال عمر كمال خلال لقائه في برنامج 'كلام الناس' مع ياسمين عز: 'في مطرب عظيم في يوم من الأيام نصحني وقالي لو عندك فكر لحاجة غير شغلك يبقى غلط، المطرب دا الهضبة عمرو دياب، قابلته مرة وسلمت عليه واتكلمت معاه وسألته تنصحني بإيه في حياتي قالي أوعى تخيب وتروح تفتح كافيه هو لما بيستثمر بيستثمر باسمه'.

ووصف عمر كمال نفسه بأنه الأشطر بين جيله من الفنانين في الاستثمار إذ اختار طريق العقارات قائلا: 'أنا أشطر واحد في جيلي بستثمر فلوسي في العقارات أنا بقيس نفسي بغيري أنا عارف هو ساكن فين ومعاه إيه، أنا مفيش حته في مصر مش مالك فيها الحمد لله، كل ما يكون معايا فلوس بشتري عقارات ومحبش حد يسكن فيها، عندي في كذا مكان بجيب الشقة وأقفلها وبقول بعد فترة لما ربنا يكرمني وارتاح استمتع بحياتي أو لما تيجي مراتي أبقى أقولها عايزة تعيشي فين'.

وتحدث عمر كمال عن حمو بيكا وطريقته في استثمار أمواله قائلا: 'حمو بيكا فاشل معملش مشروع في حياته ونجح، هو بيستثمر فلوسه في الدهب في مرة كنا في حفلة وخلصنا دخل المحل وجاب سبايك دهب'.