تحدثت الفنانة رانيا يوسف عن الجرأة في حياتها موضحة أن أول قرار جرئ اتخذته كان زواجها من المنتج محمد مختار رغم رفض عائلتها.

وكشفت رانيا يوسف أن عائلتها قاطعتها لمدة 3 سنوات بسبب هذه الزيجة.

وخلال لقائها في ببرنامج 'منا وفينا' مع هبة حيدري: 'أول جواز في حياتي أخدت القرار إني أتجوز برغم أن أهلي كانوا رافضين، ودي كانت أول مرة أحس إني جريئة، أهلي رفضوا محمد مختار بسبب فرق السن كان 23 سنة، وعشان يبوظوا الجوازة طلبوا طلبات مبالغة، طلبات مادية عشان تعوض فرق السن وأنا كنت شايفة أن لأ مش دي أهدافي أنا كنت عايزة أبقى أم، وقتها كان عمري 23 سنة كنت عايزة أعمل أسرة وتكون حياتي بسيطة، طلبوا مهر مليون جنيه بس دا محصلش بالعكس اللي حصل أنه كان 'جنيه''.

وتابعت رانيا يوسف: 'أنا تحملت نتيجة قراري في الجواز دا وكملت فيه لغاية حد معين، ومندمتش إني كسرت كلمة أهلي، فرق العمر بعد كده عمل مشاكل شوية بس كان في حاجات بتعوض حاجات، أنا أخدت أجمل هديتين في الدنيا 'ياسمين ونانسي' دول عوضوني الحياة كلها، وأسعد 10 سنين في حياتي مع بناتي وهما صغيرين'.

وأضافت: 'أهلي قاطعوني 3 سنين وبعد كده العلاقة مبقيتش كويسة، هما بيفكروا بعقلهم وأنا بفكر بقلبي في حاجات ببقى أنا صح فيها'.

على جانب آخر، تشارك الفنانة رانيا يوسف في موسم رمضان 2027 بمسلسل 'سلطان الديب'.

ومسلسل 'سلطان الديب' بطولة أحمد العوضي ورانيا يوسف ويارا السكري ولجين خليفة وسوسن بدر ومحمود عبد المغني وخالد محمود وغيرهم من النجوم، تأليف محمود حمدان وإخراج محمد عبد السلام.