وجه الفنان شريف منير رسالة لنجم كرة القدم محمد صلاح يسانده في أزمته مع فريقه الإنجليزي ليفربول.

وظهر شريف منير في فيديو عبر حسابه على Instagram: 'شفت فيديو أخويا وصديقي أحمد السقا باعت رسالة لمحمد صلاح بيدعمه فيها وأنا بضم صوتي لصوتك يا أحمد وبقولك يا صلاح كلنا بنحبك وأزمة وهتعدي وزي ما قال السقا المثل عندنا بيقول 'يا جبل ما يهزك ريح' أنت جبل وقوي ولاعب محترف وكل الناس بتحبك وعارفة قيمتك ومتديش ودانك ولا تسمع كلام الناس الشامتين لأن دول فشلة'.

وتابع شريف منير: 'إحنا بنحبك والعالم كله بيحبك دي قلة قليلة اللي بتقعد تقول كلام محبط لأن هما أساسا الاحباط نفسه، بحبك يا صلاح وعارف أنك هتعدي من الأزمة دي على خير وعارف أنك ذكي وهتقدر تمر من الموضوع دا بسلام بإذن الله تحياتي ليك وإن شاء الله بالنجاح المستمر'.

وتأتي أزمة محمد صلاح مع نادي ليفربول الإنجليزي عقب تصريحاته الصحفية التي أبدى فيها اعتراضه على عدم مشاركته في 3 مباريات وجلوسه على دكة البدلاء، أثارت تصريحاته جدلا كبيرا وتبعها استبعاده من قائمة ليفربول في مباراة أنترميلان ضمن دوري أبطال أوروبا.

لو فاتك: فن ولا فنكوش - 16 سؤال كل واحد هيجاوب لوحده ... عرفت كام سؤال منهم؟