أكد الفنان أحمد فهمي أنه حرص خلال مسلسله 'ابن النادي' على احترام كل الأندية المصرية وخاصة الزمالك.

وخلال لقائه في برنامج 'الكورة مع فايق' رد على سؤال مقدم البرامج إبراهيم فايق الذي قال فيه: 'إنت راجل أهلاوي بس ملاحظ أنك بتقدم مسلسل للكل مش لجمهور النادي الأهلي كمان لجمهور الزمالك ولكل الناس دا مقصود؟'.

ليرد أحمد فهمي: 'مقصود جدا، أني أعمل حاجة وثائقية وأضايق فيها جمهور الزمالك وتبقى حاجة موثقة هتعيش دي قلة أدب'.

وتابع أحمد فهمي: 'نتكلم كلام كبير ومش كلام استهلاك أنا عملت كل المشاكل اللي في الدنيا مش محتاج ألم حاجة، نادي الزمالك نادي كبير ومش عشان أفلامي تنجح أنت في الآخر في بلدك بتفتخر بالأهلي وبالزمالك وبالإسماعيلي فأنا لو على فيسبوك كسبتك هنهزر عادل لكن مينفعش في عمل فني نقلل فيه من بعض، أنا كنت مراعي أن اسم الزمالك يتذكر كويس أوي في المسلسل لأن موقفي معروف أني أهلاوي أوي وأولتراس وأفتخر، أبقى قليل الأدب لو قللت من قدر نادي الزمالك'.

يذكر أن أحمد فهمي يعرض له مسلسل 'ابن النادي' عبر منصة 'شاهد'.

مسلسل 'ابن النادي' تأليف مهاب طارق، وإخراج كريم سعد، بطولة أحمد فهمي، حاتم صلاح، أحمد عبد الحميد، آية سماحة.

لو فاتك: شطارة مايان السيد في الإجابة على كويز في الفن