خلال لقائه مع الإعلامي شريف عامر، في برنامجه 'يحدث في مصر'، الذي يقدمه على قناة mbc مصر، علق الفنان عمرو سعد، على جدل مشهد فتح القبر في مسلسل 'سيد الناس'، الذي عرض في السباق الرمضاني الماضي.

قال عمرو: 'أنا مبتفرجش على نفسي ولو اتفرجت بستغرب، ومشهد فتح المقبرة مكنش موجود وأنا طلبت من محمد سامي أعمله وحسيت إني مش هقدر أكمل المسلسل غير لما أنتصر لوداع ابن الجارحي، محمد سامي اتخض وحصل اختلاف غير عادي وبدأوا يسألوا شيوخ في الأزهر، ومشرف الإنتاج رفض تمامًا وقال هيبلغ عننا في المحطة'.

أضاف: 'خفت وحصل خلاف وعملوا ديكور وبعدين حصل تراجع تاني، وقلت هعمل مشهد محدش من الشيوخ هيعترض عليه علشان المشاعر، وكلموا أحد الشيوخ الكبار وقال بلاش لأنه حرام، وأنا قلت له يا مولانا طيب ما القتل والزنى والسرقة حرام وبنعملها في السينما، وقلنا نصور ونشوف وبقت إيدي على قلبي لما سلموا الحلقة'.

تابع عمرو سعد: 'محمد سامي قال أنا مش هكتبه أنا هدور الكاميرا وأنت أعمله، وحصل ده وأنا اتبسطت جدًا من رد الفعل بسبب المشاعر دي لحظة وداع، وأنا بعتبره من المشاهد المهمة في حياتي'.

مسلسل 'سيد الناس' بطولة كل من: عمرو سعد، إلهام شاهين، خالد الصاوي، أحمد رزق، أحمد زاهر، ريم مصطفى، بشرى، إنجي المقدم، نشوى مصطفى، رنا رئيس، أحمد فهيم، سلوى عثمان، منة فضالي، محمود قابيل، طارق النهري، ياسين السقا، جوري بكر وغيرهم من الفنانين، العمل من تأليف ورشة قلم ومن إخراج محمد سامي.