أثار الفنان المصري أحمد العوضي جدلًا واسعًا بعد جملة من التصريحات التي قالها في أحدث ظهور إعلامي، إذ تحدث عن تصدر أعماله قوائم المشاهدات، وفند ادعاءات استغلال الطبقة الكادحة واستمالتها بقصص مسلسلاتi، متطرقًا للفنان صاحب الفضل الأول عليه.

كيف رد أحمد العوضي على اتهامات استغلال الجمهور؟

قال أحمد العوضي، خلال استضافته في الحلقة 15 من بودكاست 'قصتي' مع محمد قيس، إنه لا يريد أن يمر مرور الكرام بل يريد أن يترك أثرا، مضيفًا: أنا بخاطب الطبقة الشعبية وهم بيحبونني وأنا بحبهم وعارفين إن أنا منهم.

وعن اتهامه باستغلال الشارع والطبقة الكادحة، رد العوضي: محدش أذكى من الناس اللي في الشارع، والناس اللي بتنظر عليا وبتقول إني بستغل الطبقة الكادحة فهما مش أذكى من الناس اللي في الشارع.

وتابع: يعني الناس دي مش شايفة إني واحد منهم وشايفين الناس اللي بتقول كده جهابذة وهيسمعولها. والناس دي بتخاطب الناس اللي شبها مش الطبقة اللي أنا منها، عشان كده أكثر لقب بحبه هو 'حبيب الغلابة'.

وأوضح أنه يتمنى بعد وفاته أن يذكره الناس بأخلاقه ورجولته، قائلًا: نفسي يقولوا عمره ما عمل مشكلة مع حد، وطول عمره راجل محترم، وعمره ما ظلم حد أو غلط في حد، لأن الراجل القوي لا بيظلم ولا بيغلط.

ونفى العوضي أن يكون قد ظلم أحدا، قائلا: عمري ما ظلمت حد لا من الدائرة المقربة أو الجمهور، وأحمد العوضي بالنسبة للناس هو راجل جدع.

من الفنان صاحب الفضل على أحمد العوضي؟

عن أسماء الفنانين الذين كان لهم فضل على العوضي خلال مسيرته الفنية، قال الممثل المصري أن النجم نور الشريف في الصدارة، ووصفه بـ'الأب الروحي'، مضيفا: هو من اكتشفني، وهو اللي قدمني للناس، وهو اللي علمني ازاي أمثل، وهو اللي عمل لي تصريح النقابة. بس الدنيا اللي عملتني إزاي أبقى نجم.

وشدد الفنان الشاب أنه لا يلتفت للمقارنة مع أحد، قائلا: من أول ما بدأت تمثيل وأنا براهن على نفسي، ومش عايز أثبت حاجة لحد ولا أنتقم من حد، ودايما براهن نفسي إني أوصل وأبقى الشخص اللي شايف نفسي فيه من وأنا صغير.

وعن نجومية العوضي الآن ومقارنته بما سبق، قال: ده نتاج حلم أنا حلمته، وبدأت النجومية بعد مسلسل 'حق عرب'، وده لأن ربنا عايزني أبقى نجم. ومش نزول الشارع وتجمع الناس حواليا هي اللي بيعمل النجم. كان كل واحد عملها. بس اللي بيحصل معايا في إمبابة وعين شمس وغيرها ماشوفتش حد عمله.

وعن نزوله للجمهور في عيد الفطر الماضي والانتقادات التي وجهت له عبر مواقع التواصل، قال النجم المصري: أنا مش هراضي الناس كلها، وأنا بخاطب طبقة معينة، تحديدا الطبقة اللي أنا طلعت منها.

أحمد العوضي يتحدث عن تصدر مسلسلاته الرمضانية

أوضح العوضي، خلال اللقاء، أنا حب الجمهور له، تحديدا الطبقة الشعبية التي يستهدفها، هي ما تجعل مسلسله الذي يعرض في موسم دراما رمضان في الصدارة، قائلا: الطبقة اللي أنا بخاطبها هي اللي بتتفرج على مسلسلاتي وبيخلوني رقم واحد في مصر.

وتابع: الناس اللي بتنتقدني وبتحب مسلسلات تانية، مسلسلاتها مابتبقاش رقم واحد، إذن هي ماتفرقليش لأن كلامها مش مؤثر. واستطرد: أنا بخاطب طبقة معينة. يعني لما نزلت إمبابة والدنيا اتقلبت، واتقال العوضي نازل يعمل دعاية لمسلسله على القهاوي، مع إن أنا نازل أحتفل مع إخواتي، ولو هي سهلة كده كان كله عملها.

وأكمل متحدثا عن نجاح مسلسلات، خصوصا 'فهد البطل': اللي بعمله مش استعراض، وأنا بنزل لأخواتي في الشارع عشان بحبهم، وهم دول الناس اللي أنا بشتغل عشانهم، لأني حلمت وأنا صغير إن الناس دي تحبني، فبنزل أقف وسطيهم، واللي شايفه استعراض هو اللي مابيعرفش يعمله، ولا يجرؤ يعمله، وأتحداك إن حد يقدر يعمل لقطة عين شمس اللي عملتها.

أحمد العوضي يكشف معيار نجاح مسلسلاته

رأى أحمد العوضي أن معيار نجاح مسلسلاته هو التفاف الجمهور حوله، وأيضا تحقيقه الأعلى مشاهدة، معتبرا أن العمل الأعلى مشاهدة هو الأكثر نجاحا. وقال: ممكن الناس تقعد عشان تتفرج على مسلسل ليا لأنها بتحبني، بس هتابعه وتكمله لو الحدوتة حلوة.

وعن السمعة التي بناها مع الجمهور، قال العوضي إنها قد تزعج البعض وقد يحاول التشويش عليها، مشيرا إلى أنه لا يخرج ليبرر ما يتردد عنه، مضيفا: مش مطالب أني أخرج للناس وأفضل أقول محصلش محصلش.