لايف ستايل
موقع كل يوم -في فن
نشر بتاريخ: ١٩ تشرين الثاني ٢٠٢٦
أكد المخرج خالد يوسف أن الجمهور هو هدفه الأول فيما يتعلق بصناعة أفلامه، وليس المهرجانات.
وقال خالد يوسف في تصريحات خاصة لراديو النيل، على هامش فعاليات مهرجان القاهرة السينمائي الدولي في دورته الـ 47: 'أنا بعمل سينما للناس، عشان كده لا استهدف مهرجانات ولا مستهدف أي حاجة غير الناس. اهتمامي بالناس خلاني مش هاممني أوي كاريري في المهرجانات، قد ما كان هاممني إقبال الناس على أفلامي'.
وأضاف خالد يوسف: 'دايمًا بيبقى عندي الاعتبار الأول هو الناس، وإني أعرف أعبر عنهم. بتصور إن أفلامي بنزل أخدها من أفواه الناس ومن أحوالهم، وبرجع أردها لهم تاني في صورة عمل فني'.
وتابع: 'السينما دايمًا والفنون بشكل عام في حالة بنسميها حالة ديالكتيك، ديالكتيك يعني جدل، يعني تأثر وتأثير، يعني السينما والفنون تتأثر بالواقع والواقع يتأثر بالفنون، أنهي فيهم بيأثر أكتر في التاني دي عايزة دراسة، ومحدش يقدر يديها كجملة صحيحة مئة في المئة، لا ده عايز بحث علمي عشان نعرف'.
وحول اتهام السينمائي بالترويج للبلطجة، قال خالد يوسف: 'الناس بتقول ظاهرة البلطجة السينما هي اللي ساهمت فيها، لكن الشوارع فيها مظاهر بلطجة من قبل ما السينما تتعرض لها بسنوات'.
وأضاف: 'الناس بيتهموا السينما إن هي اللي روجت للبلطجة، قد يكون صحيحا، لكن خلوا علماء الاجتماع يعملوا دراسة ويشوفوا السينما هي اللي أثرت في الناس، وأثرت بشكل سلبي ولا إيجابي لأن ممكن يكون تأثير إيجابي، والواقع هو اللي أثر في السينما وبأي درجة'.
واختتم خالد يوسف تصريحاته قائلا: 'فكرة إن السينما ممكن تغير قوانين هي صحيحة مئة في المئة، عشان كده أنا مهتم بالناس في المقام الأول'.
حرب نجوم #رمضان بدأت بدري قوي ... قصف الجبهة اشتغل بين محمد رمضان وأحمد العوضي ????
#عشماوي #سلطان_الديب https://t.co/ub6Wv3DL8l




























