تحدثت الفنانة منى زكي عن شخصية 'نورا' التي تقدمها في مسلسل 'طالع نازل' ووصفتها أنها من وجهة نظرها ليست شريرة كما يراها البعض.

وقالت منى زكي في لقاء مع ET بالعربي: 'بالنسبالي لأني كنت نورا من وجهة نظري هي مش شريرة بتاخد حقها حق حياتها اللي ضاعت وحق كل العطاء اللي اديته بلا حدود وضيعت حقوق بتاعتها، أه مش غلطته، هو أكيد مغصبهاش على فكرة أنها متخلفش هو لمس حاجة كانت جواها بتخص علاقتها بمامتها، بس البني آدم عمره ما بيعترف أنه جزء من اللي وصله فدايما بيقوم محمله على اللي قدامه دي طبيعة البشر'.

وتابعت: 'أنا بكره النكد بس نورا مش نكدية هي بتحاول متبينش ضعفها ولا انكسارها، النكد كان وقت الصدمة'.

وعن تعاونها مع محمد شاهين لأول مرة قال: 'وإحنا بنشتغل مكنتش حاسه بالكيميا بينا كنت عايزة انتقم منه وخلاص، أنا بحبه كممثل وبتفرج عليه ومن معجبينه وفي 'لام شمسية' كان عالمي اعتقد أستاذ هاني خليفة كان ملاحظ الكيميا بينا واختارنا وكان محافظ على دا بتوجيهاته لكل الممثلين'.

ويعرض للفنانة منى زكي حاليا مسلسل 'طالع نازل' على منصة 'شاهد mbc'، ويشارك في بطولته محمد شاهين، مريم الخشت، ليلى عز العرب، ميمى جمال، حمزة دياب، شاهين ومن تأليف سماء أحمد عبدالخالق وإنجى القاسم ومن إخراج هانى خليفة.

كما عرض لمنى زكي مؤخرا فيلم 'الجواهرجي' الذي يجمعها بالنجم محمد هنيدي، ويشارك به نخبة من النجوم: لبلبة، أحمد صلاح السعدني، تارا عماد، باسم سمرة، عارفة عبد الرسول، ريم مصطفى، والراحل أحمد حلاوة، تأليف: عمر طاهر (بمشاركة يسر طاهر)، إخراج: إسلام خيري، إنتاج: وليد صبري.