كشفت المخرجة إيناس الدغيدي عن الشروط التي تجعل المساكنة حلالا من وجهة نظرها.

وقالت إيناس الدغيدي خلال حوارها مع الإعلامي علي ياسين في برنامج 'الفصول الأربعة' المذاع عبر قناة الجديد اللبنانية: 'أنا قلت هو حلال لو أنا بعرض عليك وإنت بتوافق والناس بتعرف'.

وأضافت إيناس الدغيدي: 'إحنا الجواز عندنا في الإسلام هو 3 حاجات، عرض وقبول وإشهار، زمان مكانش في ورق، وكانوا يمشوا في الشارع يقولوا فلانة تزوجت فلان ويبقى جواز، وأنا عملتها في فيلم مذكرات مراهقة'.

وتابعت: 'لو أنا معلنة العلاقة والناس شايفاها وشاهدين على إن أنا وهو مع بعض، وهو عارض وأنا موافقة، يبقى مش زنا'.

كما تحدثت إيناس الدغيدي خلال اللقاء عن رأيها في وجود الجنة والنار.

وقالت إيناس الدغيدي: 'بيقولوا لنا في جنة ونار، أنا بقول ده تخويف بيرهبوك، لكن لا يمكن ربنا يكون قاسي كده، لما تسمع النار هيعملوا فيك إيه وإيه'.

وأضافت إيناس الدغيدي: 'أنا بقول إحنا جزء من الكون ده، وعلى فكرة إحنا كبشر مديين نفسنا أهمية كبيرة أوي'.

وتابعت: 'سبحان الله مش قاعد لنا كل واحد بيعمل إيه، مش ممكن هو مش فاضي لنا، والموضوع أكبر من كده بكتير'.

يذكر أن آخر أعمال إيناس الدغيدي كان فيلم 'مجنون أميرة' وعرض عام 2009، من بطولة نورا رحال وحازم سمير ومصطفى هريدي، تأليف أشرف شتيوي، سيناريو وحوار مصطفى محرم.