رد الفنان محمد رمضان على سؤال حول ما الذي يرد أن يتذكره الجمهور به بعد سنوات.

ونشر محمد رمضان عبر حسابه على Instagram من لقاء أجراه خلال تواجده في الولايات المتحدة الأمريكية، بعد حصوله على لقب الأكثر أناقة في أفريقيا، خلال أسبوع الموضة في نيويورك، كما كشف موقع رولينج ستون Rolling Stone.

وقال محمد رمضان: 'أحب أنهم يفتكروا أن أنا ممكن أكون مجرد آية أو دليل ليهم أن أي حد يثق في ربنا ويقدر يحط استراتيجي مظبوطة هيقدر أنه يوصل لحلمه أيا كان صعوبة ما دام عنده فكر سليم وعنده ثقة في ربنا ومبيخافش من أي مواجهات أو عقبات بيقابلها في حياته'.

وخلال اللقاء عرف محمد رمضان نفسه قائلا: 'محمد رمضان باختصار شاب مصري بسيط من عائلة بسيطة خالص عنده حلم كبير جدا كان أكبر منه ولكن واثق في ربنا وواثق في القوانين اللي ربنا حطها واتبع هذه القوانين لحد ما بقى نجم مصر الأول ثم نجم الوطن العربي الأول ودلوقتي هو في الهاي سكول المرحلة التالتة قارة أفريقيا وخلاص في السنة الأخيرة وأقدر أقول أن أنا انتهيت من الهاي سكول وأصبحت نجم عالمي'.

وتحدث محمد رمضان عن أحلامه وما حققه: 'حلمي أكيد مش هيكون أصعب من حلم أول راجل طلع القمر، لما قال أنا هطلع القمر كل الناس شافته مجنون لأن مكنش ليه مرجع قبله، وأنا كأول عربي بخترق حدود الشرق الأوسط أنا عارف أن دا ملوش مرجع ولكن أنا بعتبر نفسي مرجع لكل الأجيال اللي هتطلع بعدي إن شاء الله، وطبعا سعيد جدا كنت مبسوط أني بغني في افتتاح أمم إفريقيا في كوت ديفوار ودا كان شيء غريب على أي عربي أنه يوصل أنه يغني في افتتاح أمم إفريقيا في كوت ديفوار وإني أوصل لكوتشيلا كأول مصري ودي الخطوة التالتة وفي علم الأرقام رقم 3 هو رمز التأكيد دا تأكيد أن خطواتنا ثابتة وسليمة وناجحة'.

يذكر أن محمد رمضان انشغل الفترة الماضية في تصوير فيلم 'أسد أسود' ويشارك في بطولته كل من ماجد الكدواني، شريف سلامة، خالد الصاوي، أحمد عبد الحميد. ورزان جمال، ‏تأليف محمد وشيرين وخالد دياب إخراج محمد دياب