كشفت الفنانة ألفت عمر عن رأيها في تقديم الأدوار الجريئة.

وقالت ألفت عمر خلال لقائها في برنامج 'قعدة ستات' مع مروة صبري: 'رفضت بطولة فيلم بسبب مشاهد القبلات والمشاهد الجريئة، كان في فيلم من بطولة فيفي عبده كان فيه قبلة ورفضت الدور، الفيلم مطلعش بس كان تأليف الأستاذ فتحي عبد الستار الله يرحمه'.

وتابعت ألفت عمر: 'أنا مع السينما النظيفة، الحكاية حكاية مبدأ لو أنا داخلة الشغلانة دي وناوية أجيب من الآخر فيها الحمد لله عندي مقومات هايلة فكرة إني أعمل مشاهد جريئة جدا وأبقى سوبر ستار واتحط على الأفيش كان من 20 سنة عملتها مش صعب، لكن عندي مبادئ'.

وخلال اللقاء حكت ألفت عمر كواليس تعاونها مع الفنانة سميرة أحمد، والشرط الذي وضعته لها لمشاركتها في أحد أعمالها.

وقالت: 'كنت طالعة معاها في 'دعوة فرح' والحمد لله كان الدور دا معلم جدا المسلسل دا عملت فيه دور حلو أوي الحمد لله نجح جدا فقالتلي إنتي معايا في اللي جاي وهتبقي بنتي، دور رئيسي، بس أنا عايزاكي تشيلي الحسنة دي'.

وتابعت ألفت عمر: 'أنا قولتلها ليه؟ قالتلي الممثل المفروض يتميز بتمثيله مش بحسنة في وشه عمر الشريف شال الحسنة بتاعته وأحمد السقا المفروض يشيل الحسنة بتاعته وأنتي المفروض تشيلي الحسنة بتاعتك، قالتلي على الدكتور بتاعها، أنا قلت لها إني هروح بس أنا مروحتش، وقلت لها إني روحتله وقالي أن الحسنة عميقة وليها جدر ولو اتشالت هتعمل على الشفة علامة، والحقيقة دا كلام حقيقي بس أنا مروحتش بس أنا كنت عارفة المعلومة'.

يذكر أن ألفت عمر شاركت في رمضان 2025 بالجزء الثاني من مسلسل 'قلع الحجر'.

ومسلسل 'قبع الحجر' بطولة محمد رياض، ومنى عبد الغني، ومدحت تيخا، وسوسن بدر، وسميرة عبد العزيز، ولقاء سويدان، ومروة عبد المنعم، تأليف أحمد وفدي، وإخراج حسني صالح.