تحدث الفنان أحمد العوضي عن فكرة تعاونه مع أحمد السقا في فيلم جديد.

وقال أحمد العوضي في لقاء مع 'عرب وود': 'هي مجرد فكرة لحد دلوقتي عرضها عليا منتج مش عايزين نقول الاسم دلوقتي وعرضها عليه وإحنا الاتنين وافقنا، هي فكرة دلوقتي أول ما تبقى قيد التنفيذ هنعلن عنها، كذلك الأمر مع محمد إمام'.

وسبق وشارك أحمد العوضي الفنان أحمد السقا في فيلم 'هروب اضطراري' وعرض عام 2017.

على جانب آخر، تحدث أحمد العوضي عن الأخبار المنتشرة عن زواجه من الفنانة يارا السكري، وقال: 'موضوع الجواز دا هنشوف القصة دي لما يبقى في حاجة نعلن، يارا إن شاء الله في مشاريع جايه بينا كتير '.

وأكد أحمد العوضي أن العمل على مسلسل 'الأستاذ' لا يزال مستمرا والذي سيجمعه بيارا السكري مجددا وقال: 'مسلسل الأستاذ موقفش أنا عندي فيلم 'شمشون ودليلة' مهتم بيه دلوقتي وعايز اخلصه وعندي مسلسل 'الأستاذ' وعندي مسلسل رمضان اللي جاي لو 'الأستاذ' متعملش دلوقتي هيتعمل بعد رمضان اللي جاي'.

وخلال الفترة الماضية انشترت أخبار عديدة حول ارتباط أحمد العوضي ويارا السكري خاصة لتواجدهما معا في المناسبات العامة والمهرجانات.

وتعاونت يارا السكري مع أحمد العوضي في مسلسل 'فهد البطل' و'علي كلاي'.

وعرض مسلسل 'علي كلاي' في رمضان 2026.

مسلسل 'علي كلاي' بطولة أحمد العوضي، درة، يارا السكري، محمود البزاوي، انتصار، عصام السقا، محمد ثروت، طارق الدسوقي، سارة بركة، ريم سامي، ضياء عبد الخالق، رحمة محسن، عمر رزيق، وغيرهم من الفنانين.

نرشح لك: إيه رأيكم لو حولنا البروفيسور لمسلسل مصري. مين يعمل الأدوار؟