نفى السيناريست أيمن بهجت قمر الأخبار التي انتشرت عن زواجه في السر.

ونشر أيمن بهجت قمر فيديو عبر حسابه على Facebook لخبير التوقعات آلان مصطفى في لقاء مع إدوارد عبر برنامج 'القاهرة اليوم' وهو يتوقع له أنه سيتزوج في السر في عام 2026.

وقال أيمن بهجت قمر: 'الفيديو ده لما نزل حصل لي شوية لخبطة وأنا وقتها ما علقتش عليه ومعنديش أي مشكلة معاه بس لقيت ناس كتير بعده بتقول إني متجوز في حقيقة الأمر أنا ما اتجوزتش لسه بعد انفصالي عن أم أولادي وفكرة الجواز والاختيار بالنسبة ليا مش سهلة أوي كدة'.

وتابع: 'لأن الست اللي هتجوزها هي اللي المفروض أكمل معاها اللي باقي من عمري ودي الست اللي هتورثني وتدخل مع ولادي في إعلام الوراثة واللي هيتقال عليها لحد آخر يوم في عمرها حتى لو أنا مش موجود أنها كانت مرات فلان الفلاني ودي لازم تبقى واحدة أنا حاسس فعلا أنها الست بتاعتي وابقى شايفها في عيني ست الستات كلهم ودي لحد دلوقتي مش موجودة في حياتي وأكيد لما تظهر هقول على طول .. فأنا بس حبيت أوضح'.

يذكر أن أيمن بهجت قمر عرض له في السينمات مؤخرا فيلم 'طلقني'.

وفيلم 'طلقني' بطولة كريم محمود عبد العزيز ودينا الشربيني وحاتم صلاح ومحمود حافظ وياسر الطوبجي وياسمين رحمي، تأليف أيمن بهجت قمر وإخراج خالد مرعي.