تأثر الفنان محمود الليثي خلال حديثه عن الفنانة شيرين عبد الوهاب معبرا عن سعادته بعودتها للغناء من جديد.

وفي مداخلة هاتفية ببرنامج 'الحكاية' قال محمود الليثي متأثرا: 'وحشتينا أوي، شيرين أختي لحمي ودمي نجمة النجوم أنا معملتش حاجة غير أقل حاجة تتعملها أنا حطيت عمري ومستقبلي كله كنت حطيت نفسي مع شيرين عشان ترجع لجمهورها'.

وتابع محمود الليثي: 'أعرف شيرين عبد الوهاب من 30 سنة مش قادر أقول لما كلمتني وقالتلي عايزة أشوفك سبت اللي في إيديا وجريت عليها قلتلها أنا فداكي مستقبلي وعمري وحياتي أحطها قدامك بس ترجعيلنا منورة وتبقي زي ما أنتي'.

فيما قالت شيرين عبد الوهاب عنه: 'أنا مشفتش حد بيحب حد كده هو مش مضطر يعمل كده، كان بيدعيلي في كل ركعة صلاة، الدنيا لسه فيها ناس محترمة'.

كما قالت شيرين عبد الوهاب عن محمود الليثي: 'كان فاتح لي بيته وبعت جاب عفش عشان يفرش لي شقة عشان أبقى قاعدة وسط عيلته'.

وحرصت شيرين عبد الوهاب خلال مداخلتها الهاتفية مع عمرو أديب على توجيه الشكر لبعض النجوم الذين وقفوا إلى جانبها في محنتها وقالت:' أحمد سعد، صاحب عمري حقيقي، بقالنا حاجة وتلاتين سنة نعرف بعض، هيفاء وهبي النجمة الجميلة اللي قلبها طيب، الست لما جت كلمتني مرة كلمتني كإني لا أنا مش بتصل اعمل مجاملة، قولي لي انتي بتعملي ايه وفين واجي اخدك وزعقت لي'.

وأضافت شيرين عبد الوهاب: زينة وياسمين ماسابونيش خالص بل بالعكس، زينة كانت قايمة بأكبر حدث أنها كانت بترعى ولادي، والبيت والكهربا والماية.