كشف الفنان أحمد الفيشاوي عن رأيه في الرقابة موضحا أنها الآن أصعب في قراراتها عن أيام الزمن الجميل.

وقال أحمد الفيشاوي في لقائه ببودكاست 'منا وفينا': 'الرقابة زمان كانت أسهل ومنفتحة وكان عندنا مشاهد فيها حب وقبلات ودي حاجة عمرها ما كانت عيب ولا حرام في السينما دي حاجات مستجدة فجأة اخترعوها كلام فارغ مش موجود لأن الفن ليس له حدود'.

وتابع أحمد الفيشاوي: 'دلوقتي الرقابة في مرحلة تغيير زي ما مصر بتطور بشكل سريع، الرقابة بتتطور وتتفتح ودا مش هيبقى فيه المأساة اللي كنا عايشين فيها دي وهنرجع تاني للزمن الجميل والأفلام يبقى فيها قبلات حارة أو دم أو مخدرات أو شتايم تتعمل 18+ والموضوع يمشي بشكل طبيعي'.

وخلال اللقاء كشف أحمد الفيشاوي عن معايير اختياره لأبطال الأعمال التي يتولى إخراجها، مؤكداً استبعاده لفكرة التعاون الإخراجي مع النجم محمد رمضان؛ معللاً ذلك بأن الأخير يفتقر إلى القدر الكافي من الوسامة التي يتطلبها البطل من وجهة نظره.

وقال أحمد الفيشاوي: إنه لن يقوم بالإخراج للممثل محمد رمضان، موضحًا: 'أنا أحب ممثليني يبقي عندهم درجة كبيرة من الوسامة وطوال وعراض ده البطل بتاعى.. فلا هختار حد تاني'.

وأكد الفيشاوي أنه لو كان يخرج في الماضي لن يقوم باختيار النجم الراحل فريد شوقى كذلك لأنه لا ينطبق مع مواصفات البطل من وجهة نظره.

حرب نجوم #رمضان بدأت بدري قوي ... قصف الجبهة اشتغل بين محمد رمضان وأحمد العوضي ????

#عشماوي #سلطان_الديب https://t.co/ub6Wv3DL8l