كشف الفنان محمد رمضان عن أزمة أغنية 'حبيبي أنا من غيرك' مع منصة 'سناب شات'.

ونشر محمد رمضان فيديو ظهر فيه وحكى ما حدث مع الأغنية وقال: 'أغنية 'حبيبي أنا من غيرك' نازلة بقالها 16 يوم والحمد لله محققة نجاح كويس على كل المنصات ولكن هي مش موجودة على منصة اسمها 'سناب شات' وبلغت وبعتوا إيميلات لسناب شات أن ليه الأغنية مش موجودة'.

وتابع محمد رمضان: 'النهاردة لسه عارف أن اللي حصل أن شخص مسئول في دولة خليجية دفع فلوس لموظف سناب شات عشان الأغنية متبقاش موجودة فأنا بعمل معاه اتفاق إيه رأيك تدفع فلوس أكتر ونساعد الغلابة في سوريا في مصر في غزة في أي مكان واشيلك كل أغانيا من سناب شات 'يا حبيبي' و 'نمبر وان' أي غنوة عايزها تتشال اشيلهالك'.

على جانب آخر، كان محمد رمضان أحيا حفلا غنائيا في الساحل الشمالي وأثار جدلا وأزمة بسبب خلعه لقميصه على المسرح وهو ما دفع الفنان مصطفى كامل، نقيب المهن الموسيقية، لتهديده إذا تكرر هذا الأمر مرة أخرى سيتم منعه من الغناء في مصر.

وبالفعل أحيا محمد رمضان بعدها حفلا في رأس البر ولم يقم بخلع ملابسه ونشر فيديو من الحفل وهو يقلع الـ'تي شيرت' لكن يتراجع وقال: 'الحمد لله امبارح صوت نقيب الموسيقين رن في ودني على أخر لحظة. أكن كل التقدير والاحترام لقوانين نقابة الموسيقين المصريين وللسيد النقيب مصطفى كامل'.