ظهرت الإعلامية سالي عبد السلام في فيديو عبر خاصية القصص القصيرة بحسابها على Instagram تحدث فيه إلى جمهورها وكشفت عن وصيتها موضحة أنها كتابتها ونصحت متابعيها بكتاية وصيتهم أيضا.

وقالت سالي عبد السلام في الفيديو: 'أنا كاتبة وصيتي أول حاجة أول ما أموت كاتبة مين تغسليني، معلمتي تغسلني وعايزاها تشيل الرموش، وكاتبة في وصيتي إني مش عايزة مكان معين يصلوا عليا فيه'.

وتابعت سالي عبد السلام: 'والمانيكور والضوافر التركيب أنا مبقتش أعملها لأن حد يخش على غسلك عشان يشيلها، حتى المانيكور أنا مبقتش أحطه لأنه بيمنع الوضوء والرموش فيها أقاويل'.

وأضافت سالي عبد السلام: 'مش بقول إني أنا صح بنعمل على قد ما نقدر متبقوش رخمين الناس اللي بتفضل تقول أبقي أعملي الأول لا ملكوش دعوة'.

على جانب آخر، كانت سالي عبد السلام أعلنت قبل أشهر عن فقدانها لجنينيها التوأم قبل ولادتهما، في رسالة مؤثرة عبر حسابها بموقع Facebook.

كتبت سالي عبد السلام: 'قدر الله وماشاء فعل من كام يوم..وده بعد سنتين انتظار التؤام اللى كان نفسى فيهم اوى يا رب .. سنتين صبر وانت مفيش قدامك غير الصبر زى اى رزق والحمدلله ان اختبارى كان فى الصبر و بس مش اكتر وكنت طالباها تيجى من عند ربنا خالص ومن غير تدخل دكاترة..الحمدلله على نعمة الاخذ بعد العطاء .. يا رب'.

وتابعت سالي عبد السلام: 'فقدت أغلى ما ليا.. واللى كان هيكون ليا..الحمد لله.. قدرى الحمدلله، انا بكتب الكلام ده عشان يمكن حد يتعلم!!!

كل حد قالى وقال عليا مش عايزة تخلف عشان خايفة على جسمها و شغلها .. وكانت اوحش حاجة سمعتها فى حياتى وهم لا يعلمون شيئا عشان كل حد بيضغط على اللى قدامه وفاكر انه حقه وده لا يحق له عشان المفروض انه قريب او معتبر نفسه كدة ومش من اهله اصلاً ولا يحق له و يحسسهم ان وراهم تارجت يا اما هيكون منبوذ منهم وهنسود عيشتك بسؤالنا كل شهر و نضغط عليك مع انهم مش هيشيلوا اصلا و محدش هيشيل غيرك..وهم لا يعلمون شيئا'.